កាលពីថ្ងៃទី១៤ ខែធ្នូ នាយករដ្ឋមន្ដ្រី ហៃទី លោក Laurent Lamothe បាន ប្រកាសលាលែងពីតំណែងក្នុងពេល ដែលហៃទីកំពុងប្រឈមនឹងវិបត្ដិ បណ្ដាលឱ្យមានបាតុកម្មប្រឆាំងរដ្ឋាភិ បាលជាច្រើនកើតឡើង ។សារព័ត៌មានAFP បានដកស្រង់សម្ដី នាយករដ្ឋមន្ដ្រី Laurent Lamothe ប្រកាស
តាមកញ្ចក់ទូរទស្សន៍ថា “ខ្ញុំ ចាកចេញពីតំណែងនាយករដ្ឋមន្ដ្រី ដោយមានអារម្មណ៍ថា ខ្ញុំបានបំពេញ ភារកិច្ចរួចរាល់ មិនបោះបង់ចោលពាក់ កណ្ដាលនោះឡើយ” ។
ការដែលលោកលាលែងពីតំណែង ក្រោយពេលគណៈកម្មាធិការប្រឹក្សា និង ក្រុមជិតស្និទ្ធជាមួយលោកបានសម្រេច សុំឱ្យលោកលាលែងពីតំណែងដើម្បី បញ្ចប់វិបត្ដិកើតឡើងនៅក្នុងប្រទេស។
ប្រធានាធិបតី Michel Martelly ធ្លាប់បានប្រកាសថា នាយករដ្ឋមន្ដ្រី Laurent Lamothe បានត្រៀមលក្ខណៈ ចាកចេញពីតំណែងជាយូរណាស់មក ហើយក្នុងការបញ្ចប់វិបត្ដិនយោបាយ។
បុរសម្នាក់ដែលរងការបាញ់សម្លាប់ ពេលចូលរួមធ្វើបាតុកម្មកាលពីថ្ងៃទី ១៣ ខែធ្នូ ទាមទារប្រធានាធិបតី និង នាយករដ្ឋមន្ដ្រីលាលែងពីតំណែង ។ បុរសរូបនោះត្រូវប៉ូលិសបាញ់សម្លាប់ ពេលព្យាយាមផ្លោះរបងប៉ូលិសចូលទៅ កាន់វិមានប្រធានាធិបតី ។
ហៃទីជាប្រទេសក្រីក្រ និងប្រឈមនឹង វិបត្ដិនយោបាយយ៉ាងខ្លាំង ក្រោមការ ដឹកនាំរបស់នាយករដ្ឋមន្ដ្រី Laurent Lamothe ។ ប្រទេសនេះរងការរញ្ជួយដី ជាច្រើនឆ្នាំកន្លងមកហើយ ប៉ុន្ដែនៅ មានពលរដ្ឋជាច្រើនមិនទាន់មានកន្លែង ស្នាក់នៅត្រឹមត្រូវនៅឡើយ ដោយស្នាក់ នៅក្នុងជំរំតង់ដដែល 9
