ទីក្រុងស៊ីដនីប្រទេសអូស្ដ្រាលីគឺជា ទីក្រុងសេដ្ឋកិច្ចដ៏ចម្បងរបស់ប្រទេស នេះត្រូវដាក់ក្នុងសភាពមានអាសន្នក្រោយ ពេលដែលមានខ្មាន់កាំភ្លើងមួយក្រុម ចាប់ជំរិតពលរដ្ឋនៅរោងមហោស្រព Opera បង្ខំឱ្យប៉ូលិសជម្លៀសពលរដ្ឋទៅ កាន់តំបន់មានសុវត្ថិភាព ។ ក្រោយ ហេតុការណ៍
កើតឡើងភ្លាមៗប៉ូលិសក៏ បានទៅដល់កន្លែងកើតហេតុក្នុងពេល ដែលចំណាប់ខ្មាំងច្រើននាក់ត្រូវចាប់ឃុំ ខ្លួននៅក្នុងហាងកាហ្វេមួយក្បែរនោះ។
ប្រព័ន្ធផ្សព្វផ្សាយនានារបស់អូស្ដ្រាលី បានផ្សព្វផ្សាយថា ពលរដ្ឋដែលត្រូវ ខ្មាន់កាំភ្លើងចាប់ជាចំណាប់ខ្មាំងមាន២០ -៣០នាក់ជាបុគ្គលិកនិងភ្ញៀវដែលចូល មកបរិភោគអាហារ កាហ្វេ នៅហាង Cafe Lindt Chocolat ។ នៅទីនោះក៏ មានវត្ដមានទង់ជាតិពណ៌ខ្មៅមានអក្សរ អារ៉ាប់ពណ៌សមើលទៅដូចជាទង់ជាតិ របស់ក្រុមអ៊ិស្លាមបង្កើតរដ្ឋ IS ។
សាក្សីនៅកន្លែងកើតហេតុបានឮ សំឡេងផ្ទុះយ៉ាងខ្លាំងដូចជាស្នូរកាំភ្លើង ហើយក៏បានមើលចំណាប់ខ្មាំងមួយចំនួន បក់ដៃនៅតាមមាត់បង្អួចដូចជាការ អំពាវនាវសុំឱ្យជួយ ។
សារព័ត៌មាន Sydney Morning Herald បានផ្សព្វផ្សាយថា មានខ្មាន់ កាំភ្លើងម្នាក់គ្រប់គ្រងហាងកាហ្វេខាង លើប៉ុន្ដែប្រព័ន្ធផ្សព្វផ្សាយក្នុងតំបន់បាន ជឿជាក់ថា មានខ្មាន់កាំភ្លើងជាច្រើននាក់ នៅជាមួយ។ ប៉ូលិសនិងក្រុមសន្ដិសុខ ជាង១.០០០នាក់បានឡោមព័ទ្ធកន្លែង កើតហេតុនិងទីតាំងសំខាន់ៗដូចជាធនាគារនិងអគាររដ្ឋសភានៅរដ្ឋញូវសាវ៉ែល។
នារករដ្ឋមន្ដ្រីអូស្ដ្រាលីលោកតូនីអាបុតបានសន្យាជួយដល់ប្រជាពលរដ្ឋក៏ ដូចជាធានាសុវត្ថិភាព ។ នៅព្រឹកថ្ងៃទី ១៥ធ្នូ គណៈកម្មាធិការសន្ដិសុខជាតិបាន ជួបប្រជុំជាបន្ទាន់នៅការិយាល័យនាយក រដ្ឋមន្ដ្រីដើម្បីរកវិធីសាស្ដ្រទប់ទល់នឹង ហេតុការណ៍អាក្រក់នៅពេលនេះនិងពេល អនាគត ។
នេះជាចន្លោះប្រហោងរបស់ក្រុម សន្ដិសុខអូស្ដ្រាលីដែលទុកឱ្យមានហេតុ ការណ៍អាក្រក់បែបនេះកើតឡើងនៅទី ក្រុងស៊ីដនីបើទោះជាដឹងថា មានពលរដ្ឋ អូស្ដ្រាលីជាច្រើននាក់បានចូលរួមជាមួយ ក្រុមISហើយបានប្រកាសឡើងគម្រោង វាយប្រហារអូស្ដ្រាលីក៏ដោយ ។ នៅពេល នេះមានទង់ជាតិក្រុម IS បង្ហាញខ្លួននៅ អូស្ដ្រាលីបង្កការព្រួយបារម្ភយ៉ាងខ្លាំង ដល់ប្រជាពលរដ្ឋ ។ អូស្ដ្រាលីជាប្រទេស ចូលរួមសកម្មមួយក្នុងការវាយប្រហារ ទៅលើក្រុមIS ដឹកនាំដោយអាមេរិកទាំង នោះហើយដែលអាចធ្វើឱ្យក្រុមនេះវាយ ប្រហារសងសឹកនៅក្នុងប្រទេសរបស់ខ្លួន។រដ្ឋាភិបាលអូស្ដ្រាលីបានរឹតបន្ដឹង សន្ដិសុខនៅតាមទីតាំងសំខាន់ៗដូចជា ស្ថានីយរថភ្លើង រថយន្ដក្រុង ដែលជា មធ្យោបាយធ្វើដំណើរដ៏សំខាន់នៅក្នុង ទីក្រុងស៊ីដនីខ្លាចក្រុមនេះវាយប្រហារ នៅទីប្រជុំជន ។
កាលពីខែកញ្ញាកន្លងមកប៉ូលិស ប្រឆាំងភេរវកម្មអូស្ដ្រាលីបានបំផ្លាញ ការប៉ុនប៉ងកាត់ក្បាលនៅទីសាធារណៈ ។ ប៉ុន្មានថ្ងៃក្រោយមកប៉ូលិសនៅមែល បួនក៏បានបាញ់យុវជនអ៊ិស្លាមម្នាក់ដែល កាន់កាំបិតវាយប្រហារទៅលើកម្លាំង ប៉ូលិស ។
នេះជាសកម្មភាពវាយប្រហារនៅ អូស្ដ្រាលីលើកទី១ចាប់តាំងពីរដ្ឋាភិបាលរបស់លោកតូនីអាបុតសម្រេចចូលរួម ជាមួយអាមេរិកវាយប្រហារទៅលើ ក្រុមអ៊ិស្លាមបង្កើតរដ្ឋ ។ នាយករដ្ឋមន្ដ្រី បានស្នើដល់ក្រុមសន្ដិសុខធ្វើគ្រប់យ៉ាង ដើម្បីការពារសុវត្ថិភាពជូនប្រជាពល រដ្ឋក៏ដូចជារំដោះចំណាប់ខ្មាំង 9
