ខេត្តបន្ទាយមានជ័យ
បុរសម្នាក់ចតរថយន្តចោលនៅលើចិញ្ចើមផ្លូវរវល់ទៅលេងផ្ទះមិត្តភក្តិត្រូវរថយន្តមួយគ្រឿងទៀតបុកធ្លាក់ចូលស្រះទឹកសំណាងល្អមិនស្លាប់រួចបើកទ្វាររត់ចោលរថយន្តបាត់ស្រមោលគ្រោះថ្នាក់ចរាចរនេះកើតឡើងវេលាម៉ោង៣.៣០នាទីថ្ងៃទី១៥ធ្នូ២០១៤នៅលើផ្លូវជាតិលេខ៥នៅខាងលិចសាលាបឋមសិក្សាសាលាដែងស្ថិតនៅភូមិសាលាដែងឃុំឫស្សីក្រោកស្រុកមង្គលបូរីខេត្តបន្ទាយមានជ័យ។
មន្ត្រីនគបាលចរាចរស្រុកមង្គលបូរីបានប្រាប់ថា៖នៅពេលគ្រោះថ្នាក់ចរាចរកើតឡើងគឺរថយន្តធុនកាំម៉ារីសេរីឆ្នាំ១៩៩៥ពណ៌សដែលពាក់ផ្លាក់លេខបន្ទាយមានជ័យ2A.4506បើកបរដោយឈ្មោះ ញ៉ឹក វិបុល ភេទប្រុសអាយុ៤៦ឆ្នាំរស់នៅភូមិព្រះស្រែឃុំតាឡំស្រុកមង្គលបូរី
ខេត្តបន្ទាយមានជ័យ បានជិះរថយន្តមកចតចោលនៅចិញ្ចើមផ្លូវខាងត្បូងមុខផ្ទះគេជិតស្រះទឹកហើយដើរទៅលេងផ្ទះមិត្តភក្តិខាងក្រោយ។ស្រាប់តែពេលនោះមានរថយន្តធុនកាំម៉ារីសេរីឆ្នាំ១៩៩៣ពណ៌ស្លែរគ្មានផ្លាក់លេខគ្មានពន្ធដែលបើកបរពីទឹសដៅពីលិចមកកើតទំនងនិយាយទូរស័ព្ទរឺស្រវឹងស្រាបើកក្នុងល្បឿនលឿនបានមកបុកពីក្រោយរថយន្តចតចោលបណ្តាលធ្លាក់ចូលមាត់ស្រះខាងត្បូងផ្លូវដែលគ្មានទឹកតែមិនគ្រោះថ្នាក់ដល់អ្នកណាមួយឡើយ។មន្ត្រីនគបាលចរាចររូបនោះបានបន្តថា៖ក្រោយពេលម្ចាស់រថយន្តកាំម៉ារីពណ៌ស្លែបុកហើយក៏បើកទ្វារ
គេចខ្លួនបាត់ដោយយកអីវ៉ាន់មួយថង់នៅក្នុងរថយន្តទៅជាមួយទៀតផងចំណែករថយន្តរងគ្រោះបណ្តាលខូចកំពិតគូដខាងក្រោយនិងរថយន្តដែលបង្កកំពិតមុខ។ក្រោយពេលកើតហរតុរួចនគបាលយករថយន្តស្ទូចមកស្ទូរថយន្តទាំងពីរយកទៅរក្សាទុកនៅអធិការស្រុកមង្គលបូរីរងចាំដោះស្រាយនៅពេលក្រោយ៕
