ខេត្តកំពង់ឆ្នាំង: នៅប្រទេសដែលកាន់លទ្ធិប្រជាធិបតេយ្យ អ្នកសារព័ត៌មាន បានដើរតួយ៉ាង សំខាន់ក្នុងការនាំដំណឹង ជូន សាធារណជននិងរដ្ឋាភិបាល ប្រកបដោយតម្លាភាព ភាពត្រឹមត្រូវនិង ទាន់ហេតុការណ៍ ដោយឡែកប្រទេសកម្ពុជា នាពេលបច្ចុប្បន្ន ក៏បានអនុវត្តន៍ លទ្ធិប្រជាធិបតេយ្យ យ៉ាងពេញលេញ ក្រោមការដឹកនាំ របស់សម្តេច អគ្គមហាសេនា តេជោ ហ៊ុន សែន។
ប៉ុន្តែទោះជាយ៉ាងណាក្ដី ក៏មានមន្ត្រីថ្នាក់មូលដ្ឋានខ្លះ បានអនុវត្តន៍ផ្ទុយនឹងគោលនយោបាយ រាជរដ្ឋាភិបាល អាងអំណាច បុណ្យស័ក្ដ រំលោភសិទ្ធ-សេរីភាពនិងវីជ្ជាជីវះ អ្នកសារព័ត៌មាន តួយ៉ាង ដូចជា លោកអធិការ រងនគរបាលក្រុងកំពង់ឆ្នាំងម្នាក់ បានកំរាមកំហែង រកវាយតប់មកលើ អ្នកសារ ព័ត៌មាន១ក្រុមនិងជេប្រមាទ រំលោភសិទ្ធនិងសេរីភាព អ្នកសារព័ត៌មាន នៅខណដែលអ្នកសារព័ត៌ មាន១ក្រុមនោះ ទៅយកព័ត៌មាន ក្នុងហេតុការណ៍ លោកអធិការ រងរូបនោះ បានឃាត់ខ្លួននារីម្នាក់ នៅម៉ោង ៩យប់ ថ្ងៃទី៨ ខែធ្នូ ឆ្នាំ២០១៤ នៅភូមិ ម៉ុងបារាំង សង្កាត់ប្អេរ ក្រុងកំពង់ឆ្នាំងនោះ។
យោងតាមសេចក្ដីរាយការណ៍ពីក្រុមអ្នកសារព័ត៌មាននោះបានឲ្យដឹងថា នៅពេលកើតហេតុ ខាងលើនេះ ពួកគាត់៣នាក់ គឺអ្នកសារព័ត៌មានតាព្រហ្ម,អ្នកសារព័ត៌មានអ្នកស៊ើបអង្កេតនិងអ្នកយក ព័ត៌មានទូរទស្សន៍ អេអិនអិន ម្នាក់ផងដែរ បានចុះទៅយកព័ត៌មាន ដែលមានការភ្ញាក់ផ្អើលពីប្រជា ពលរដ្ឋទាំងយប់និងមានសេចក្ដីរាយការណ៍មកថា សមត្ថកិច្ចប៉ូលីសបានឃាត់ខ្លួននារីម្នាក់នោះ។
នៅពេលអ្នកសារព័ត៌មានទៅដល់កន្លែងកើតហេតុ ហើយធ្វើការសាកសួរព័ត៌មាននោះស្រាប់ តែលោក ស័ក្ដ៤ហង្ស ហាក់ អធិការ រង ទទួលបន្ទុកចរាចរ ក្រុងកំពង់ឆ្នាំង បានបញ្ចេញចរិតក្រេវ ក្រោធថា អាហ្អែងមានសិទ្ធមកសួរអញ,ហ្អែងអ្នកសារព័ត៌មានអី គឺសារព័ត៌មានតែហ្អែងទៅ ,អញ ធ្វើតាមបញ្ជាថ្នាក់លើរបស់អញ។
ក្រុមអ្នកសារព័ត៌មានបានបន្តឲ្យដឹងថា លោក ស័ក្ដ៤ហង្ស ហាក់ បានប្រើសំដីអសុរោះ ជេរ ប្រមាទមកលើក្រុមអ្នកសារព័ត៌មាននិងបញ្ចេញសកម្មភាពរកវាយតប់ អ្នកសារព័ត៌មាន ដែលមាន ចរិតពុំស័ក្ដសមជាសមត្ថកិច្ចឡើយ ហើយភ្លាមនោះ ក្រុមអ្នកសារព័ត៌មានបានរាយការណ៍ពីទង្វើរ របស់លោក ហង្ស ប៊ុនហាក់ នេះ ទៅលោកស្នងការ ផងដែរ។
ក្រុមអ្នកសារព័ត៌មាននេះ បានសុំឲ្យលោកអគ្គស្នងការនគរបាលជាតិនិងឯកឧត្ដម រដ្ឋមន្ត្រី ក្រសួងមហាផ្ទៃពិនិត្យសកម្មភាពរបស់លោកស័ក្ដ៤ហង្ស ប៊ុនហាក់នេះ ផងកុំដើរឲ្យបញ្ច្រាសទិស នឹងលទ្ធិ ប្រជាធិបតេយ្យ ដែលកំពុងអនុត្តន៍ពេញលេញនៅប្រទេសកម្ពុជា។
ទាក់ទិននឹងព័ត៌មានខាងលើនេះ លោក ប្រាក់ វុទ្ធី ស្នងការនគរបាលខេត្តកំពង់ឆ្នាំង បានឆ្លើយតបនឹងកម្ពុជាថ្មីថា លោកពុំទាន់ទទួលសេចក្ដីរាយការណ៍ណាមួយថា ក្រុមប៉ូលីសរបស់ លោកបានកំរាមកំហែងរកវាយតប់និងប្រើសំដីពុំសមរម្យ ទៅលើអ្នកកាសែតនោះទេ ហើយបើមាន មែន ម្ដេចក៏អ្នកកាសែតនោះ ពុំរាយការណ៍ឲ្យលោក លោកនឹងចាត់ការ។
លោកវរសេនីយ៍ត្រីហង្ស ហាក់ បានប្រាប់កម្ពុជាថ្មីតាមទូរស័ព្ទថា ព័ត៌មាននេះ មិនពិតនោះ ទេផ្ទុយទៅវិញក្រុមអ្នកកាសែតនោះ បានប្រើសំដីអសុរោះមកលើក្រុមពួកគាត់មុន នៅខណដែល ពួកគាត់ពុងបំពេញភារកិច្ចឆែកឆេរ អាវុធ ជាតិផ្ទុះ តាមបញ្ជាបេសសកម្ម របស់លោកស្នងការនិង អភិបាលខេត្ត ហើយបានឃាត់នារីជនជាតិវៀតណាមម្នាក់នោះ។
លោក ហង្ស ប៊ុនហាក់ បានបញ្ចាក់ថា អ្នកកាសែតរូបនោះគឺបានប្រព្រឹត្តនូវអំពើរមិនប្រក្រតី ជាច្រើនករណីមកហើយ៕
