សៀមរាប : កិច្ចប្រជុំខាងលើនេះត្រូវបានរៀបចំឡើងនៅសាលប្រជុំស្នងការដ្ឋាននគរបាលខេត្តសៀមរាបក្រោមវត្តមានលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ។ ព្រមទាំងមានវត្តមានប្រជុំនាឱកាសនោះពីសំណាក់ អស់លោក លោកស្រី ជាស្នងការរង នាយ
នាយរងការិយាល័យ អធិការនគរបាលក្រុងស្រុកទាំង១២និងនាយប៉ុស្តិ៍នគរបាលរដ្ឋបាលទាំងអស់ចំណុះស្នងការដ្ឋាននគរបាលខេត្តសៀមរាបបានចូលរួមផងដែរ ។
មានប្រសាសន៍ក្នុងកិច្ចប្រជុំស្តីពីការបូកសរុបការអនុវត្តនូវគោលនយោបាយភូមិឃុំមានសុវត្ថិភាពដែលកងកម្លាំងនគរបាលជាតិចំណុះស្នងការដ្ឋាននគរបាលខេត្តសៀមរាបបានអនុវត្តកន្លងមកនាឱកាសនោះ លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបបានបញ្ជាក់ថាក្រោយពីបានធ្វើការត្រួតពិនិត្យជាក់ស្តែងនិងយោងទៅតាម
របាយការណ៍ពីបណ្តាអធិការនគរបាលក្រុងស្រុកទាំង១២ឃើញថាបទល្មើសគ្រប់ប្រភេទមានការថយចុះគួរអោយកត់សម្គាល់ដោយឡែកលិទ្ធផលដ៏ល្អនេះក៏ដោយសារការខិតខំប្រឹងប្រែងទាំងសមត្ថកិច្ចជំនាញនិងបងប្អូនប្រជាពលរដ្ឋទើបយើងអាចទទួលបាននូវលិទ្ធផលបែបនេះ ។
លោក ឩត្តមសេនីយ៍ទោ សត ណាឌី ក៏បានសុំណូមពរដល់នគរបាលក្រោមឱវាទទាំងអស់អោយបន្តខិតខំប្រឹងប្រែងយកចិត្តទុកដាក់បន្ថែមទៀតទៅលើការផ្សព្វផ្សាយនូវការអនុវត្តគោលនយោបាយភូមិឃុំមានសុវត្ថិភាពដល់មូលដ្ឋានរបស់បងប្អូនប្រជាពលរដ្ឋនិងត្រូវធ្វើយ៉ាងណាបង្កា ទប់ស្កាត់ និង ធ្វើការបង្ក្រាបអោយខានតែបាននូវបទល្មើសដែលនៅ
សេសសល់ បន្តិបន្តួចអោយអស់ភូមិឃុំទើបយើងអាចធានាបាននូវការអនុវត្តគោលនយោបាយភូមិឃុំមានសុវត្ថិភាពប្រកបដោយប្រសិទ្ធភាពខ្ពស់ព្រោះខេត្តសៀមរាបគឺជាតំបន់ទេសចរណ៍ផងនោះ ៕
លោក ខេង ខេមរា
