ក្រចេះ៖ ក្រោយពីលោក សរ ចំរ៉ុង ចូលកាន់តំណែងជាអភិបាលខេត្តក្រចេះមក គេបានឃើញអាជ្ញា បានយកចិត្តទុកដាក់ខយ៉ាងខ្លាំងក្នុងការអភិវឌ្ឍន៍មូលដ្ឋាន ស្ទើរគ្រប់វិស័យ និងពង្រឹងលើការបម្រើសេវា រដ្ឋបាលសាធារណះជូនពលរដ្ឋ និងការដោះស្រាយវិវាទដីធ្លីផ្សេងៗជាច្រើន
លើសពីនេះក៏មានការផ្សព្វ ផ្សាយស្តីពីគោលនយោបាយភូមិឃុំមានសុវត្ថិភាពដល់ពលរដ្ឋគ្រប់ស្រុកក្រុងយ៉ាងទូលំទូលាយ ដើម្បី ទប់ស្កាត់រាល់បទល្មើសចោរ លួច ឆក់ ប្លន់ ក្មេងទំនើង ល្បែងស៊ីសងគ្រប់ប្រភេទផងដែរ។
ផ្ទុយទៅវិញគេសង្គេតឃើញបនល្បែងស៊ីសងខុសច្បាប់ រួមមាន អាប៉ោង បៀរ ពិសេសកីឡាបក្សី (ដែលគេហៅថា ប្រជល់មាន់) បានបើកលែងយ៉ាងគគ្រឹកគ្រែងជាច្រើនកន្លែង នៅឃុំថ្មគ្រែ ស្រុកចិត្របុរី ខេត្តក្រចេះ បានម៉ាសេរី ដោយមិនខ្វល់ខ្វាយពីច្បាប់និងគោលនយោបាយភូមិឃុំមានសុវត្ថិភាពរបស់ រដ្ឋាភិបាលអីនោះទេ។
ថ្ងៃទី១៧ ខែធ្នូ ឆ្នាំ២០១៤នេះ ប្រជាពលរដ្ឋរស់នៅក្នុងភូមិឃុំកើតហេតុខាងលើ បានទូរសព្ទ័អង្គភាព សារពត៌មានអង្គរថែមស៍ សុំឲ្យជួយចុះផ្សាយរឿងល្បែងស៊ីសង បាននិយាយថារាល់ នេះពួកគាត់អស់ ជំនឿលើអាជ្ញាធរ និងសមត្ថកិច្ចមូលដ្ឋានយ៉ាងខ្លាំង ដែលតែងតែអួតតាមវេទិការសាធារណះថា ប្រឆាំង និងទប់ស្កាត់រាល់ បទល្មើសផ្សេងក្នុងមូលដ្ឋាន និងការពារសន្តិសុខជូនប្រជាពលរដ្ឋ តែធាតុពិតគ្មានទេ បានត្រឹមតែ និយាយតែប៉ុណ្ណោះ បនល្បែងបានកើតមានរាប់សិបកន្លែងសមត្ថកិច្ចយ៉ាងច្រើនបាន កើតមានពីមួយថ្ងៃ ទៅមួយថ្ងៃដូចផ្សិត គ្មានការបង្ក្រាបទេ ព្រោះអស់លោកម្ចាស់បនល្បែង ទាំងនោះ បានសែនព្រេនប្រចាំ ថ្ងៃ ប្រចាំខែអស់ហើយ រាប់ចាប់ពីប៉ូលីសប៉ុស្តិ៍ នគរបាលអធិការដ្ឋាន កម្លាំង អ ហ និងអាជ្ញាធរមូលដ្ឋាន ទើបឈ្មួញបើកលេងបានម៉ាសេរីបែបនេះ។
ប្រភពបន្តថាសង្វៀនជល់មាន់ខាងលើនេះ គឺបានបើកជល់ជារៀងរាល់ថ្ងៃ ព្រហស្បត៍ និងថ្ងៃអាទិត្យ ដោយជល់ ក្នុងមួយគូរៗចាក់លុយរាប់ពាន់ដុល្លារឯណ្ណោះ។ ក្រុមអ្នកមកលេងល្បែងមកពីគ្រប់តិសទីមានជិះឡាន ម៉ូតូ ជិះកង់ ខ្លះដើរ មកជួបជុំគ្នាលេងភ្នាល់ យ៉ាងអ៊ូអរ ដែលមិនយូរទេចោរហារយនឹកកើតមានឆក់ប្លន់ប្រជាពលរដ្ឋរស់នៅតំបន់នោះជាមិនខាន ហើយពេលនោះប្រពលរដ្ឋជាអ្នករងគ្រោះ ចំណែកផលប្រយោជណ៍បានទៅលើមេបនល្បែងនិងមន្ត្រីឃុបឃឹត។
ប្រភពប្រជាពលរដ្ឋបានរាយការណ៍ពីវង់ល្បែងបញ្ជល់មាននោះអោយដឹងថា នៅវេលាម៉ោង១រសៀល ថ្ងៃអាទិត្យទី១៤ ខែធ្នូនេះការលេងល្បែងនោះ បានចាប់ផ្តើមដំណើរការជល់ជាធម្មតាដូចសព្វមួយដង ហើយគេក៍មិនបានឃើញអាជ្ញាធរ និងសមត្ថកិច្ចនៅទីនោះបញ្ឈប់ពួកគេទេ។ពលរដ្ឋបានរិះគន់សមត្ថកិច្ចថា ពេលបើកវេទិការសាធារណៈស្តីអំពីភូមិឃុំមាន សុវត្ថិភាពម្តងៗ គឺអាជ្ញាធរ ឬ សមត្ថកិច្ចតែងតែលើក ឡើងអំពីបញ្ហាលុបបំបាត់នូវ បនល្បែងស៊ីសងទាំងឡាយណាដែលកើតមាននៅក្នុង មូលដ្ឋាន ។
ដោយឡែកសង្វៀនជលមាន់នេះគឺគេបើកលេងយ៉ាងចំហរទៅវិញ តែគេមិនដឹងថា លោកអភិបាលស្រុកចិត្របុរី ជាប់ពាកព័ន្ធនឹងការបើកភ្លើងខៀវឲ្យវង់ល្បែងនេះ ឬយ៉ាងណានោះទេ បើបទល្មើសកើតលើមូលដ្ឋានរបស់លោកគ្រប់គ្រង លោកអភិបាលមិនដឹងគឺចប់ហើយមិនដឹង លោកធ្វើការរបៀបណាទេ?
ជុំវិញការចោទប្រកាន់នេះ អង្គរថែមស៍មិនអាចសុំការអធិប្បាយពីលោក សរ ចំរ៉ុង បាននោះទេព្រោះ ទូរសព្ទ័មិនអាចទំនាក់ទំនងបាន៕
