កំពង់ឆ្នាំង៖ការស្តាឡើងវិញនូវហេដ្ឋារេចនានានាក្នុងក្រុងកំពង់ឆ្នាំង របស់អង្គការចៃការ (ជប៉ុន)ដែល បាន និងអនុវត្តគម្រោងរបស់ខ្លួនមកដល់ចុងឆ្នាំ២០១៤នេះ គឺជិតបានបញ្ចប់ទៅហើយ ចំណែកសមិទ្ឋិផលថ្មីៗដែលបានកសាងដោយអង្គការមួយនេះក៏បានជិតចប់ទៅហើយដែរ តែអ្វីដែល
ប្រជាពលរដ្ឋក្នុងក្រុងកំពង់ឆ្នាំងមានការចាប់អារម្មណ៏និងមោទនៈខ្លាំងបំផុតនោះគឺផ្លូវថ្នល់ក្នុងក្រុងដែលបានកសាងបានប្រមាណជាង៨០ភាគ រយនោះ គឺបានល្អស្អាតខ្លាំងណាស់ ស្អាតតាំងពីផ្លូវ ស្អាតតាំងពីការចាប់បេតុងសងខាងផ្លូវ និងលើសពី នេះទៀតគឺការគូសគំនូសទ្រូងផ្លូវ និងគំនូសសងខាងផ្លូវដែលសុទ្ឋតែមានចំណាំងផ្លាត តាមបទដ្ឋានអន្តរជាតិទាំងអស់ ធ្វើអោយប្រជាពលរដ្ឋមានការពេញចិត្តពេញថ្លើមជាខ្លាំង និងសង្ឃឹមថា ក្រោយពីកិច្ចបញ្ចប់ ការស្តារនិងជួសជុលគម្រោងនេះទៅ ខេត្តកំពង់ឆ្នាំងពិតជានិងប្រែមុខមាត់ថ្មីជាពុំខាន ហើយក៏នឹងសង្ឃឹមថាៈ ក្រោយពីទទួលនូវផ្លូវដែលមានគំនូសសញ្ញា សម្រាប់កំណត់ យានយន្ត កំណត់អ្នកថ្មើរជើងនេះទៅនឹងអាចកាត់បន្ថយគ្រោះថ្នាក់ចរាចរណ៏ក្នុងក្រុងបានជាមិនខាន ។
ផ្ទុយនឹងការលើកឡើងខាងលើនេះ លោក អៀរប៊ុនធឿន នាយការិយាល័យនគរបាល ចរាចរណ៏ផ្លូវគោកខេត្តបានលើកឡើងថាៈបើទោះណាមានផ្លូវថ្មី មានគំនូសចរាចរណ៏យ៉ាងណាក៏ដោយតែបើយើងទាំងអស់គ្នាមិនគោរពរពច្បាប់ចរាចរណ៏នោះកត្តាគ្រោះថ្នាក់នៅតែកើតមានឡើងដដែល។ក្នុងនាមលោកជាមន្ត្រីចរាចរណ៏មួយរូប លោកក៏មានមោទនៈភាពណាស់ដែរនូវសមិទ្ឋិផលផ្លូវថ្មីដែលកំពុងកសាងជិតរួចនេះ សង្ឃឹមថាៈយើងទាំងអស់គ្នាចូលរួមគោរពច្បាប់ចរាចរណ៏ ពិសេសគំនូសទ្រូងផ្លូវដែលជាគំនូសខាន់
ចែកគ្នាទៅនិងមក បើយើងបំពានលើគំនូសនេះរំលោភចូលចំណែកផ្លូវម្ខាងនោះគ្រោះថ្នាក់ពិតជាកើតមានឡើងជាពុំខាន។
មន្ត្រីនគរបាលចរាចរណ៏រូបនោះក៏បានលើកឡើងថាៈ គំនូសលើផ្លូវថ្មីនោះមាន គំនូសទ្រូងផ្លូវ
សម្រាប់រថយន្ត គំនូសសងខាងផ្លូវសម្រាប់ម៉ូតូ និងគំនូសកង់ៗកាត់ទទឹងថ្នល់សម្រាប់អ្នកថ្មើជើងជាដើម ដែលគំនូសទាំងនោះមានសុទ្ឋតែចំណាំងផ្លាតសម្រាប់ការធ្វើដំណើរនៅពេលយប់។ ក្រៅពីនោះ
នៅលើចិញ្ចើមផ្លូវដែលចាក់ដោយបេតុងគឺនៅមានគំនូសលឿងខ្មៅជាកង់ៗទៀតផង ។
ប្រជាពលរដ្ឋក្នុងក្រុងកំពង់ឆ្នាំង សង្ឃឹមថាៈ នៅដើមឆ្នាំ២០១៥ខាងមុខនេះ ក្រុងកំពង់ឆ្នាំងនឹងប្រែមុខមាត់ថ្មីដោយសារវិថីខ្វែងខ្វាត់ដែលកសាងនិងលាបពណ៏ថ្មីដែលពុំធ្លាប់មានពីមុនមកនេះជាពុំខានហើយក៏សង្ឃឹមថាៈ អ្នកប្រើប្រាស់ផ្លូវថ្មីនេះនឹងចូលរួមគោរពច្បាប់ចរាចរណ៏ជាពុំខាន។
សូមរំឮកថាៈ រាជរដ្ឋាភិបាលជប៉ុនបានជួយមកកម្ពុជានូវការស្តាឡើងវិញនូវហេដ្ឋារចនាសម្ព័នខេត្តចំនួន២គឺខេត្តកំពង់ឆ្នាំង និងខេត្តព្រៃវែង ដែលខូចខាតដោយទឹកជំនន់និងក៏សាងឡើងវិញនូវគម្រោងរំដោះទឹកជំនន់ ដែលនេះជាជំនួយឥតសំណង របស់ប្រទេសជប៉ុន ក្រោមការអនុវត្តគម្រោងដោយអង្គការចៃការ ដែលបានអនុវត្តចាប់ពីថ្ងៃទី២៥ ខែមករា ឆ្នាំ២០១៤និងបញ្ចប់ទៅវិញនៅថ្ងៃទី ២៥ ខែមករា ឆ្នាំ២០១៥។ សម្រាប់ខេត្តកំពង់ឆ្នាំង ក្រៅពីកសាងឡើងវិញនូវផ្លូវយ៉ាងស្អាត “ចៃការ” បានកសាងប្រពន្ឋ័លូបង្ហូរទឹកតូចធំខ្វែងខ្វាត់ក្រោមដីសម្រាប់រំដោះទឹក ធ្វើផ្លូវក្រាលករ៉ូឡាជំវិញផ្សារលើ ក្រាលការ៉ូឡានៅតាមមន្ទីរ តាមផ្ទះល្វែង និងតាមសងខាងផ្លូវជាតិ ព្រមជាមួយនោះថ្មីៗនេះបានក្រាលកៅស៊ូលើផ្លូវក្នុង សាលាខេត្តផងដែរ ៕
