កំពង់ធំ=កងកំលាំងរាជអាវុធហត្ថខេត្តកំពង់ធំជួយច្រូតស្រូវជូនប្រជាពលរដ្ន នៅក្នុងស្រុកស្ទោងការចុះជួយច្រូតស្រូវនេះ ដឹកនាំដោយ ឯកឧត្តមហង្សថុលមេបញ្ចាការកងរាជអាវុធហត្ថខេត្ត មេបញ្ចាការ មេបញ្ចាការរង ព្រមទាំងលោកឃុនប៊ុនហ៊ូរមេបញ្ចាការកងរាជអាវុធហត្ថស្រុកស្ទោង និងមន្ដ្រីក្រោមឪវ៉ាទចុះជួយច្រូតស្រូវ ជូនប្រជាពលរដ្នក្រីក្រ នៅក្នុងភូមិ សរល្ងាច ឃុំកំពង់ចិនជើង ស្រុកស្ទោង ខេត្តកំពង់ធំ នៅព្រឹកថ្ងៃទី ១៨ ខែធ្នូ ឆ្នាំ២០១៤។
ឯកឧត្តម ហង្សថុលបានមានប្រសាសន៍ថា កងរាជអាវុធហត្ថខេត្តកំពង់ធំ អនុវត្តន៍ តាមការណែនាំរបស់លោកមេបញ្ចាការកងរាជអាវុធហត្ថលើផ្ទៃប្រទេសគឺក្រៅពីរការបំពេញភារកិច្ចស្នូលក្នុងកិច្ចការពារសន្តិសុខ ការកសាងជំរកស្នាក់នៅដល់កងកំលាំងក្រោមឪវ៉ាទ ក្នុងនោះក៏មានកិច្ចការមួយចំនួនដែលយើងត្រូវបំពេញ គឺជួយដល់ប្រជាពលរដ្ន កន្លងទៅនេះយើងបានជួយកសាងផ្ទះជូនប្រជាពលរដ្នដែលជួបប្រទះការលំបាក ហើយឥឡូវនេះយើងបានបន្ដជួយ
ច្រូតស្រូវប្រជាពលរដ្នក្នុងរដូវច្រូតកាតបោកបែន ចំពោះប្រជាពលរដ្នទីទាល់ក្រីក្រដែលជួបការលំបាកខ្វះខាតកំលាំងពលកម្ម ទើបថ្ងៃនេះកំលាំងកងរាជអាវុធហត្ថ ៦៥នាក់បានមកជួយច្រូតស្រូវនៅភូមិ សរល្ងាច ឃុំកំពង់ចិនជើង ក្នុងគោលការណ៍គឺច្រូតអោយរួចថ្ងៃនេះ និងបន្ត ជួយជួសជុល សាលារៀនដែលបានលិចទឹកជំនន់នៅក្នុងភូមិចំណាក្រោម ដែលរបើករបាញខូចខាតអស់ សិស្សមិនបានចូលរៀនសូត្រ បន្ទាប់ពីច្រូតរួចនិងបន្ដជួសជុលសាលារៀន៦បន្ទប់ ដើម្បីអោយសិស្សបានចូលរៀនវិញ។
បងស្រីនិងបងប្រុសដែលជាម្ចាស់ស្រែឈ្មោះ ធី យ៉ារី និង សែតសេង បានថ្លែងអំណរគុណដល់ឯកឧត្តម ហង្សថុលមេបញ្ចាការកងរាជអាវុធហត្ថខេត្តនិងកងកំលាំងក្រោមឪវ៉ាទទាំងអស់ដែលបានជួយច្រូតស្រូវបានទាន់ពេលវេលា ដោយខ្ញុំពុំមានលទ្ធភាព ពុំមានលុយសំរាប់ជួលកំលាំងច្រូត នេះជាសណ្ដានចិត្តដ៏ល្អប្រពៃដែលបានជួយច្រូតស្រូវខ្ញុំ ៗសុំជូនពរអោយឯកឧត្តម និងកងកំលាំងទាំងអស់ជួបប្រទះនិងសំណាងល្អបំពេញភារកិច្ចទទួលបានជោគជ័យ គ្រប់ពេលវេលា ៕ប៊ុនរិទ្ធី
