កំពង់ឆ្នាំង៖ ការស្តារឡើងវិញនូវហេដ្ឋារចនាផ្លូវកៅស៊ូថ្មីនិងប្រពន្ធ័លូទឹកនៅក្នុងក្រុងកំពង់ឆ្នាំងរបស់អង្គការចៃការជប៉ុនដែលជាជំនួយឥតសំណងរបស់រាជរដ្ឋាភិបាលនិងប្រជាពលរដ្ឋជប៉ុន ដើម្បីទប់ស្កាត់គ្រោះទឹជំនន់ជូន ចំពោះប្រជាពលរដ្ឋខេត្តកំពង់ឆ្នាំងមកដល់ចុងឆ្នាំ២០១៤នេះ ការអនុវត្តគម្រោង
បានប្រមាណ៨០%ហើយ។សមិទ្ឋិផលថ្មីនេះបានធ្វើអោយប្រជាពលរដ្ឋនៅក្នុងក្រុងកំពង់ឆ្នាំងមានការចាប់អារម្មណ៏និងមោទនៈយ៉ាងខ្លាំង ពេលឃើញមានគូសគំនូសចរាចរណ៍លើទ្រូងផ្លូវ ដែលធ្វើអោយទីក្រុងកំពង់ឆ្នាំងកានតែមានសោភណ្ឌ័ភាព នឹងសង្ឃឹមថាៈ ក្រោយពីទទួលផ្លូវថ្មីដែលមានគំនូសសញ្ញា សម្រាប់កំណត់អោយ យានយន្ត និងអ្នកធ្វើដំណើរបានយ៉ាងស្រួល អាចកាត់បន្ថយគ្រោះថ្នាក់ចរាចរណ៏ក្នុងក្រុងជាមិនខាន។
លោក អៀរ ប៊ុនធឿន នាយការិយាល័យនគរបាលចរាចរណ៏ផ្លូវគោកខេត្តបានថ្លែងថាៈទោះបីមានផ្លូវថ្មី មានគំនូសចរាចរណ៏ត្រឹមត្រូវយ៉ាងណាក៏ដោយតែបើអ្នកបើកបរ មិនគោរពរពច្បាប់ចរាចរណ៏នោះ កត្តាគ្រោះថ្នាក់នៅតែកើតមានឡើងដដែល ពេលខ្លះផ្លូវល្អនេះរឹតតែមានគ្រោះថ្នាក់ចរាចរណ៍ទៅវិញទេចំពោះអ្នកស្រវឹងរឹតតែបើកលឿន។
លោកនាយការិយាល័យនគរបាលចរាចរណ៏រូបនោះក៏បានលើកឡើងថាៈ គំនូសលើផ្លូវថ្មីនោះមាន គំនូសទ្រូងផ្លូវសម្រាប់រថយន្ត គំនូសសងខាងផ្លូវសម្រាប់ម៉ូតូ និងគំនូសកង់ៗកាត់ទទឹងថ្នល់សម្រាប់អ្នកថ្មើជើង ដែលគំនូសទាំងនោះមានសុទ្ឋតែចំណាំងផ្លាតសម្រាប់ការធ្វើដំណើរនៅពេលយប់។
លោក កែវ ពៅ ប្រធានមន្ទីរសាធារណៈការ និងដឹកជញ្ជូនខេត្ត ធ្លាប់បាននិយាយអោយដឹងថា៖គម្រោងខាងលើនេះជាជំនួយឥតសំណងរបស់រាជរដ្ឋាភិបាលជប៉ុន ប្តគល់អោយអង្គការចៃការជាអ្នកកសាង គម្រោងនេះបានកសាងជិតមួយឆ្នាំហើយ តាមផែនការនិងបញ្ចប់ទៅវិញនៅថ្ងៃទី ២៥ ខែមករា ឆ្នាំ២០១៥ ដែលមកដល់ចុងខែធ្នូនេះកសាងបានប្រមាន៨%ហើយ។
គម្រោងនេះគឺដើម្បីទប់ស្កាត់គ្រោះទឹកជំនន់ ដែលមានប្រពន្ធ័លូរបង្ហូរទឹកតូចធំខ្វែងខ្វាត់ក្រោមដីសម្រាប់រំដោះទឹកក្នុងក្រុងកំពង់ឆ្នាំង បន្ថែមលើនេះអង្គការចៃកាជប៉ុនបានជួយធ្វើផ្លូវក្រាលករ៉ូឡាជុំវិញផ្សារលើ ក្រាលការ៉ូឡានៅតាមសងខាងផ្លូវក្នុងក្រុង ព្រមជាមួយនោះថ្មីៗនេះបានជួយជួសជុលផ្លូវកៅស៊ូផ្លូវក្នុងសាលាខេត្តកំពង់ឆ្នាំផងដែរ ៕
កំពង់ឆ្នាំង,ថ្ងៃទី១៨.១២.២០១៤ ( ឈៀង ថារិទ្ធ )
