សៀមរាប ៖ លោកវរសេនីយ៍ឯក ស្រី យូរ៉ា មេបញ្ជាការង និងជាប្រធានមន្ទីរ ស្រាវជ្រាវ និងយុត្តិធម៌ បានប្រាប់កម្ពុជាថ្មីថាយោងតាមបទ បញ្ជារបស់ លោក ម៉ន សាម៉ុន មេបញ្ជាការ កងរាជអាវុធហត្ថនៅវេលាម៉ោង២០ និង ៣០នាទី ខែធ្នូ ឆ្នាំ២០១៤ កម្លាំងការិយាល័យ ស្រាវជ្រាវ ប្រឆាំង
គ្រឿងញៀន នៃមន្ទីរស្រាវជ្រាវ និងយុត្តិធម បានចុះបង្ក្រាបករណីរក្សាទុក ដឹកជញ្ជូន ឬ ជួញដូរ ដោយខុសច្បាប់ នូវសារធាតុញៀន បានមួយករណី ពីរចំណុចផ្សេងៗគ្នា ភូមិវិហារចិន សង្កាត់ ស្វាយដង្គុំ និងនៅភូមិស្លរក្រាម សង្កាត់ស្លរក្រាម ក្រុងសៀមរាប ខេត្តសៀមរាប ។
ក្នុងនោះសមត្ថកិច្ចបានឃាត់ខ្លួន ជនសង្ស័យ ១២នាក់ (ស្រី៦នាក់) និងវត្ថុតាង សម្ភារៈ ប្រើប្រាស់ វេចខ្ចប់ គ្រឿងញៀននិងដាវសាំមរ៉ៃជាច្រើន ។ ប្រតិបត្តិការនេះ ដឹកនាំសម្របសម្រួលនីតិវិធីដោយលោកព្រះរាជអាជ្ញារង សុក កែវបណ្ឌិត ដែលប្រតិបត្តិដោយសមត្ថកិច្ចកងរាជអាវុធហត្ថខេត្ត/ក្រុង ដែលដឹកនាំដោយលោកវរសេនីយ៍ឯក ស្រី យូរ៉ា មេបញ្ជាការង និងជាប្រធានមន្ទីរ ស្រាវជ្រាវ និងយុត្តិធម៌ ជាមេបញ្ជាការរង កងរាជអាវុធហត្ថ។
ជនសង្ស័យដែលបានឃាតខ្លួនទាំង១២នាក់ (ស្រី៦នាក់) គឺ ទី១. មានឈ្មោះ ពាង រ៉ាហ្វីន ភេទប្រុស អាយុ២៧ឆ្នាំ ជនជាតិខ្មែរ មុខរបរបញ្ចូលហ្កាស ទីលំនៅបច្ចុប្បន្នភូមិវិហារចិន សង្កាត់ស្វាយដង្គុំ ។ ទី២. ឈ្មោះ ដួង ឬទ្ធីយ៉ា ភេទប្រុស អាយុ ៣២ឆ្នាំ ជនជាតិខ្មែរ មុខរបរធ្វើចំការទីលំនៅបច្ចុប្បន្នភូមិត្រពាំងសេះ សង្កាត់គោកចក ។ ទី៣. ឈ្មោះ វ៉ា វាសនា ភេទប្រុស អាយុ១៨ឆ្នាំ ជនជាតិខ្មែរ រត់ម៉ូតូឌុប ទីលំនៅបច្ចុប្បន្នភូមិវិហារចិន សង្កាត់ស្វាយដង្គុំ ។ ទី៤. ឈ្មោះ ដា បញ្ញា ភេទប្រុស អាយុ១៨ឆ្នាំ ជនជាតិខ្មែរ មុនរបរអ៊ុតសក់ ទីលំនៅបច្ចុប្បន្នភូមិកន្ក្រក សង្កាត់ស្វាយដង្គុំ ។ ទី៥. ឈ្មោះ ផន សុខរីន ភេទស្រី អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិវាល សង្កាត់គោកចក ។
ទី៦. ឈ្មោះ វី ហឿន ភេទស្រី អាយុ១៧ឆ្នាំ ជនជាតិខ្មែរ មុខរបរលក់ចាប់ហ៊ួយ ទីលំនៅបច្ចុប្បន្នភូមិត្រពាំងសេះ សង្កាត់គោកចក ។ទី៧. ឈ្មោះ វន់ រាយ ភេទស្រី អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិបឹងដូនប៉ា សង្កាត់ស្លរក្រាម ។ ទី៨. ឈ្មោះ សួង ស្រីល័ក្ខណ៍ ភេទស្រី អាយុ២៣ឆ្នាំ ជនជាតិខ្មែរ ទីលំនៅបច្ចុប្បន្នភូមិទក្សិណត្បូង សង្កាត់គោកចក ។ ទី៩. ឈ្មោះ ណេន ដានេត ភេទប្រុស អាយុ៣១ឆ្នាំ ជនជាតិខ្មែរ ទីលំនៅបច្ចុប្បន្នភូមិបន្ទាយចាស់ សង្កាត់ស្លរក្រាម ។ ទី១០. ឈ្មោះ ឈួន ឆៃហួត ភេទប្រុស អាយុ២២ឆ្នាំ ជនជាតិខ្មែរ ទីលំនៅបច្ចុប្បន្នភូមិស្លរក្រាម សង្កាត់ស្លរក្រាម ។ ទី១១. មានឈ្មោះ ម៉ៅ ប៉ុនហ៊ីម ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នស្លរក្រាម សង្កាត់ស្លរក្រាម ។
ទី១២. មានឈ្មោះ អ៊ឺប រ៉ូហ្វា ភេទប្រុស អាយុ១៥ឆ្នាំ ជនជាតិខ្មែរ មុខរបរលក់ដូរចាប់ហួយ ទីលំនៅបច្ចុប្បន្នភូមិវិហារចិន សង្កាត់ស្វាយដង្គុំ ទាំងអស់គ្នារស់នៅក្នុងក្រុង/ខេត្ត សៀមរាប ។
សមត្ថកិច្ចដកហូតបាន ជាសម្ភារៈ វត្ថុតាង ដែលមាន សារធាតុញៀនប្រភេទកេតំហ្វេតាមីន ម្ស៉ៅគ្រើមពណ៌សថ្លា ចំនួន១កញ្ចប់ ស្មើនឹងទម្ងន់ ០.៩១ក្រាម ទូរស័ព្ទដៃ១១គ្រឿង ដាវ៥ដើម ម៉ូតូ ២គ្រឿង និងឧបករណ៍ប្រើប្រាស់មួយចំនួនធំ ។ បច្ចប្បន្នកម្លាំងជំនាញ បានកសាងសំណុំរឿងព្រមទាំវត្ថុតាង បញ្ជូនទៅសាលាដំបូងខេត្តសៀមរាប ។
ចំពោះ ក្នុងផ្ទះសំណាក់មួយមានឈ្មោះ “អង្គរទិព្វ” ស្ថិតនៅភូមិស្លរក្រាម សង្កាត់ស្លរក្រាម ក្រុងសៀមរាប សមត្ថកិច្ចបានឲ្យដឹងថា ម្ចាស់ផ្ទះសំណាក់នេះ មានឈ្មោះ ប្លង់ វិរុទ្ធ ភេទប្រុស ត្រូវជាប្ដី ។ ហើយពេលនេះ ខាងសមត្ថកិច្ច បានបិទអាជីវកម្ម សម្រាប់ផ្ទះសំណាក់ ជាបណ្ណោះអាសន្នហើយ និងបានហៅម្ចាស់ផ្ទះសំណាក់ទៅសួរនាំ នូវទ្បើយ។
តែមកទល់ថ្ងៃទី១៨ខែធ្នូនេះដែរ សមត្ថកិច្ចមិនទាន់ផ្តល់ពតិមានពីម្ចាស់ផ្ទះសំណាក់ អង្គរទិព្វនោះនៅទ្បើយ ថាមានពាក់ពន្ធ័និងការចែកចាយគឿងញៀនដែលសមត្ថកិច្ចបានប្រតិ្តបការបង្ក្រាបហើយឈានដល់ធ្វើការឃាតខ្លួនបានជាបន្តបន្ទាប់។ដោយគឿនវ៉េត
