ភ្នំពេញ៖ គូរសង្សារមួយគូរអង្គុយសាសងគ្នាទាំងកណ្ដាលយប់ស្ងាត់ត្រូវជនសង្ស័យ២នាក់ យកកាំបិតសាំមូរ៉ៃខ្លី មួយដើម និង កាំភ្លើងខ្លីមួយដើមមកផ្ចុងគុំរាម ប្លន់យកម៉ូតូម៉ាកហុងដាឌ្រីមសេ១២៥ សេរី២០១៤ មួយគ្រឿងនិង ទូរស័ព្ទ ម៉ាកសាំសុង ហើយយកស្នប់ដៃវាយចំក្បាល ភាគីខាងប្រុស ១ដៃ បណ្ដាលឲ្យបែកក្បាល រួចក៏ជិះរត់គិចខ្លួន បាត់យ៉ាងសុវត្ថិភាព។ ហេតការណ៏នេះកាលពីវេលម៉ោង១១និង៣០នាទី ថ្ងៃទី ១៩ ខែធ្នូ ឆ្នាំ ២០១៤ ត្រង់ចំណុច ជិតរង្វង់មូលព្រះ នរាយ មុខវត្តឧនាឡោម ស្ថិតក្នុងសង្កាត់ ជ័យជំនះ ខណ្ឌ ដូនពេញ។
ជនរងគ្រោះភាគីខាងប្រុស ឈ្មោះ លើ ខាង អាយុ ១៨ ឆ្នាំ សព្វថ្ងៃស្នាក់នៅ ក្នុងសង្កាត់ ជ្រោយចង្វារ ជាម្ចាស់ ម៉ូតូម៉ាកហុងដាឌ្រីមសេ១២៥ សេរី២០១៤ ពណ៌ខ្មៅ ពាក់ស្លាកលេខ តាកែវ2I-2025។ ជនរងគ្រោះភាគីខាងស្រី ចន់ ធា អាយុ៣១ ឆ្នាំ ជាម្ចាស់ទូរស័ព្ទ ដៃ ម៉ាកសាំសុង ពណ៌.ស ។
តាមការរៀបរាប់រងរបស់ភាគីនារីរងគ្រោះបានឲ្យដឹងថាមុនពេលកើតហេតុ ពួកគា្នកំពុងអង្គុយនិយាយគ្នានៅ ចំណុចកើតហេតុ ស្រប់តែជនសង្ស័យ៣ជិះម៉ូតូស្មាកមួយគ្រឿង ឈប់ពីចំងាយ រួចជនសង្ស័យ២ក៏ដើរទៅ មើលមុខរួចទៅហួស មួយសន្ទុះក៏ដើរមកវិញ ដក យកកាំភ្លើងមកផ្ចុងក្បាលជនរងគ្រោះ(ភាគីខាងប្រុស) និងដកកាំបិតមក គុំរាម ជនរងគ្រោះទាំង២ ឲ្យប្រគល់សោរម៉ូតូ និងទូរស័ព្ទដៃ ចេញមក ក៏ប៉ុន្តែ ជនរងគ្រោះហាក់ដូចជាមិនចង់ប្រគុលឲ្យ ជន 
សង្ស័យម្នាក់ក៏ពាក់ស្នប់ដៃ ហើយវាយទៅលើជនរងគ្រោះខាងប្រុស មួយដៃ ចំពីក្រោយក្បាល បណ្ដោលជនរងគ្រោះ បែកក្បាល ដួល ទើបជនសង្ស័យលួកលើសោរម៉ូតូពីហោរប៉ៅជនរងគ្រោះ ហើយជនរងគ្រោះ ខាងស្រី ក៏ប្រគល់ ទូរស័ព្ទដៃឲ្យទៅជនសង្ស័យ រួចជនសង្ស័យទាំង២ក៏ជិះម៉ូតូរបស់ជនរងគ្រោះចេញកន្លែងកើតហេតុបាត់យ៉ាងសុវត្តិភាព។បន្ទប់មកជនសង្ស័យម្នាក់ទៀតដែលជិះម៉ូតូស្មាក់ឈប់នៅពីចំងាយ ក៏ជិះចូលមកធ្វើជាសាកសួរថា(មានរឿងអី ត្រូវ ចោរប្លន់មែន) ពេលនោះជនរងគ្រោះភាគីខាងស្រី ក៏ស្រែកចោរៗ ធ្វើឲ្យជនសង្ស័យភ័យក៏ជិះរត់គិចខ្លួនបាត់ស្រមោល។ ជនរងគ្រោះភាគីខាងស្រីបានបន្ដទៀតថានៅពេលហេតុការណ៏នោះ គាត់ស្រែកយ៉ាងខ្លាំងឲ្យសមត្ថកិច្ចដែលនៅជិតនោះឲ្យជួយ តែសមត្ថកិច្ចហាក់ដូចជាមិនចាប់អារម្មណ៏ និងសកម្មភាពពេលចោរធ្វើសកម្មភាព ដែលនៅជិតនោះ ប្រមាណជា៥០ម៉ែតតែប៉ុណ្ណោះ។
ក្រោយពេលកើតហេតុសមត្ថកិច្ចបាននាំជនរងគ្រោះទាំង២ទៅធ្វើការសាកសួនិងដាក់ពាក្យបណ្ដឹងនៅ ប៉ុស្ដិ៏នគរបាលសង្កាត់ជ័យជំនះ។
