ភ្នំពេញ ៖ រថយន្តកាមរីឆ្លាមមួយគ្រឿងសង្ស័យម្ចាស់ងងុយបានបើករ៉េចង្កូតទៅបុករថយន្ត ហាយឡែនឌ័រមួយគ្រឿងចតទុកចោលមុខផ្ទះបោកផ្ទប់និងបង្គោលភ្លើងធ្វើអោយរងការខូចខាត ទាំងសងខាង។ ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី១៨ខែធ្នូឆ្នាំ២០១៤ ត្រង់ចំណុចមុខផ្ទះលេខ៩៩ តាមបណ្ដោយផ្លូវលេខ៣៧១ ស្ថិតក្នុងសង្កាត់បឹងទំពុន ខណ្ឌមានជ័យ។
ប្រភពព័ត៌មានពីកន្លែងកើតហេតុបានអោយដឹងថា គេឃើញរថយន្តកាមរីឆ្លាមមួយគ្រឿង ពណ៌សំបកឪឡឹក ពាក់ស្លាកលេខ កំពង់ចាម 2A-0502 បើកបរដោយបុរសម្នាក់ធ្វើដំណើរ តាមបណ្ដោយផ្លូវលេខ៣៧១ ទិសដៅពីត្បូងទៅជើង ស្រាប់តែមកដល់ចំណុចកើតហេតុ ជាចំណុចផ្លូវកោង ទំនងម្ចាស់រថយន្តងងុយទើបរេចង្កូតរថយន្តទៅខាងឆ្វេងជ្រុលទៅបុករថយន្ត ហាយឡែនឌ័រមួយគ្រឿង ពណ៌សំបកឪឡឹក មិនមានស្លាកលេខ ដែលចតចោលនៅមុខផ្ទះ ចំពេញទំហឹងបោកផ្ទប់និងបង្គោលភ្លើងរងការខូចខាតទាំងសងខាង។
បន្ទាប់ពីកើតហេតុសមត្ថកិច្ចមូលដ្ឋានក៏បានមកអន្តរាគមន៍និងបានអោយភាគីទាំង២ធ្វើការសម្រប សម្រួសគ្នាហើយភាគីទាំង២ក៏សម្រេចរង់ចាំព្រឹកឡើងទើបធ្វើការដោះស្រាយគ្នាបន្តដោយទុក រថយន្តចោលនៅកន្លែងកើតហេតុ៕
