ខេត្តកំពង់ឆ្នាំង បានប្រតិកម្មយ៉ាងខ្លាំង ទៅលើក្រុមហ៊ុនដឹកដី ដែលធ្វើអោយខូចផ្លូវ និងដីហ៊ុយ ប៉ះពាល់ដល់ការរស់នៅ និងសុខភាពផ្លូវដង្ហើមយ៉ាងធ្ងន់ធ្ងរ ។
ប្រជាពលរដ្ឋ បានបន្តអោយដឹងថា អាជ្ញាធរមូលដ្ឋាន ទទួលប្រយោជន៍ ពីក្រុមឡានដឹកដីទាំងនេះ មិនអើពើក្នុងការចាត់ការវិធានការទប់ស្កាត់ មិនតែប៉ុណ្ណោះ បានបណ្តោយអោយក្រុមឡានដឹកដីទាំងនេះ ធ្វើការជីកយកអាចម៍ដី ជញ្ជូនដឹកលក់ ធ្វើអាជីវកម្មនៅលើដងផ្លូវ ដែលកើតឡើងដោយបដិភាគ ។
ប្រជាពលរដ្ឋម្នាក់ បានអោយដឹងថា ដោយសារតែប៉ះពាល់ដល់ការធ្វើដំណើរ និងដីហ៊ុយផងនោះ ធ្វើអោយគាត់លក់ដូរមិនបាន មុនលក់ម្ហូបអាហារ សាច់ក្លែម ដាច់គ្រាន់បើ អាចទទួលយកបាន ប៉ុន្តែបច្ចុប្បន្ន គឺមិនមានមនុស្សម្នាចូលទិញ ឬចូលទៅពិសារអាហារ នៅហាងរបស់គាត់ឡើយ ដោយភ្ញៀវនិយាយថា ពិបាកធ្វើដំណើរ ផ្លូវខូចពិបាកជិះ និងដីហ៊ុយចូលម្ហូបអាហារគ្មានអនាម័យ ។ អាជ្ញាធរក៍ដូចជាសមត្ថកិច្ចពាក់ព័ន្ធ មិនបានចាត់វិធានការណ៍ អោយមានការបាញ់ទឹក និងជួសជុលផ្លូវអោយបានល្អប្រសើរឡើយ គេបានឃើញនគរបាលចរាចរណ៍ មានការបង្ក្រាបតិចតួច ដោយសារតែរថយន្តដឹកដីខាងលើ មិនបានគ្របតង់អោយបានត្រឹមត្រូវ ហើយការបង្ក្រាបនេះ ត្រូវបានប្រជាពលរដ្ឋរិះគន់ថា គឺធ្វើឡើងម្តងម្កាល គ្រាន់តែល្អមើល ឬអោយក្រុមហ៊ុនដឹកដី បានស្គាល់តែប៉ុណ្ណោះ ។
ក្រុមហ៊ុនដឹកដីត្រូវបានគេស្គាល់ ១-ក្រុមហ៊ុន ទត ជួន ២-ក្រុមហ៊ុន លោក ឡា ៣-ក្រុមហ៊ុន លោក ហេង ដែលកំពង់តែធ្វើសកម្មភាពដឹកដី បង្កអោយហ៊ុយដី ធ្វើអោយប៉ះពាល់ដល់សុខភាព ប្រជាពលរដ្ឋតាមដងផ្លូវ និងធ្វើអោយមានការបាក់ខូចខាតលូ របស់ប្រជាពលរដ្ឋតាមផ្លូវទៀតផង តែរថយន្តខាងលើនេះ មានរថយន្តខ្លះ បានដឹកហើយមានគ្របតង់ ប៉ុន្តែចងតែផ្នែកខាងមុខ ចំណែកផ្នែកខាងក្រោយ ព្រលែងចោលធ្វើអោយរលាស់ប៉ើងដី ហ៊ុយដាក់អ្នកដំណើរ ជាហេតុធ្វើអោយលំបាក ក្នុងការធ្វើដំណើរ និងរថយន្តខ្លះទៀតមិនមានគ្របតង់តែម្តង ។
ប្រជាពលរដ្ឋសំណូមពរ សូមអោយអភិបាល នៃគណៈអភិបាល ខេត្តកំពង់ឆ្នាំង ឯកឧត្តមឈួរ ច័ន្ទឌឿន ក្នុងនាមជាគណៈបញ្ជាការឯកភាពខេត្ត មានវិធានការចំពោះរថយន្តខាងលើ ដើម្បីសម្រួលដល់ការរស់នៅ របស់ពួកគាត់ផង ៕
