បន្ទាយមានជ័យ:និស្សិតជ័យលាភី ថ្នាក់បរិញ្ញាបត្រជាន់ខ្ពស់ បរិញ្ញាបត្រ និងបរិញ្ញាបត្ររង សរុប១.៤៧៨នាក់ ទទួលសញ្ញាប័ត្រនៅសាខាសកលវិទ្យាល័យគ្រប់គ្រងនិងសេដ្ឋកិច្ចបន្ទាយមានជ័យក្រោយបញ្ចប់ការសិក្សា។ពិធីនេះប្រព្រិត្តទៅក្រោមវត្តមាន ឯកឧត្ដមប៊ុន ម៉ាណែត ប្រធានគណ:កម្មា
ធិការអាហារូបករណ៍និស្សិតក្រីក្រ របស់សម្ដេចអគមហាសេនាបតីតេជោហ៊ុនសែន និងសម្ដេចគតិព្រឹទ្ធបណ្ឌិត ប៊ុនរានី ប៊ុន សែន ឯកឧត្ដមគោស៊ុំ សារឿតអភិបាលខេត្តបន្ទាយមានជ័យនាថ្ងៃទី១៩ ធ្នូ ២០១៤ ។
លោក ណង ថា សាកលវិទ្យាធិការរង និងជានាយកសាខាសាកលវិទ្យាល័យ គ្រប់គ្រងនិងសេដ្ឋកិច្ច មានប្រសាសន៍ថា: និស្សិតជ័យលាភីថ្នាក់បរិញ្ញាបត្រជាន់ខ្ពស់បរិញ្ញាបត្រនិងបរិញ្ញាបត្ររងសរុប១.៤៧៨នាក់ក្នុងនោះ ៥៤១ជាស្ត្រី ទទួលសញ្ញាប័ត្រក្រោយបញ្ចប់ការសិក្សា។
លោក ណង ថាបន្តថា: ដើម្បីលើកកំពស់គុណភាព ប្រសិទ្ធភាពប្រកបដោយ សីលធម៏ នៃការអប់ថ្នាក់ឧត្ដមសិក្សា និងថ្នាក់ក្រោមឧត្ដមសិក្សា សកលវិទ្យាល័យគ្រប់គ្រងនិងសេដ្ឋកិច្ចខេត្តបន្ទាយមានជ័យ បានបណ្ដុះ បណ្ដាល ធនធានមនុស្ស ដោយឈរលើគោលការណ៍គុណភាពជាចម្បង។
សាកលវិទ្យាល័យ បណ្ដុះបណ្ដាលលើ ៤កម្រិតគឺ: ថ្នាក់បរិញ្ញាបត្រជាន់ខ្ពស់ ថ្នាក់បរិញ្ញាបត្រ និងបរិញ្ញាបត្ររងមានជំនាញចំនួន៨រួមមាន: គ្រប់គ្រង គណនេយ្យ ម៉ាឃីតធីង ធនាគានិងហិរញ្ញវត្តុ ទេសចរណ៍ សេដ្ឋកិច្ច នីតិសាស្ត្រ និងជំនាញភាសាអង់គ្លេស មានបុគ្គលិកបំរើការងារសរុប ៦៨នាក់បំរើការតាមការិយាល័យ និងដេប៉ាតេម៉ង់ចំនួន១០។
ឯកឧត្ដមគោស៊ុំ សារឿត អភិបាលខេត្តបន្ទាយមានជ័យមានប្រសាសន៍ថា: ជោគជ័យនេះបានសម្ដែងចេញ ពីការខិតខំតស៊ូ របស់ប្អូនៗ ជ័យលាភីទាំងអស់ ហើយសូមអោយការបញ្ជប់ការសិក្សារគ្រប់ជំនាញនាំប្រកបដោយ គុណ ភាពដើម្បី បំរើការងារក្នុងខេត្ត។
ឯកឧត្ដម ហ៊ុន ម៉ាណែត មានប្រសាសន៍ថា: រាជរដ្ឋាភិបាលបានដាក់ចេញនូវកម្មវិធី នយោបាយយុទ្ធសាស្ដ្រចតុកោណ ក្នុងនោះកំណត់វិស័យ សិក្សាអប់រំ បណ្ដុះបណ្ដាលធនធានមនុស្ស គឺជាវិស័យអាទិភាពមួយ ដ៍ចម្បងក្នុងទិសដៅកាត់បន្ថយភាពក្រីក្រ ដែលជាសំនូមពរដ៍ទទូចរបស់ប្រជាពលរដ្ឋ។រាជរដ្ឋាភិបាលបានខិតខំប្រឹងប្រែង ធ្វើកំណែទម្រង់វិស័យអប់រំ ដើម្បីលើកកំពស់គុណភាព ប្រសិទ្ធភាពនិងសីលធម៏ ដែលចាប់ផ្ដើមពី មតេយ្យសិក្សា រហូតដល់ថ្នាក់ឧត្ដមនិងក្រោមឧត្ដមសិក្សា។
ឯកឧត្ដម ហ៊ុន ម៉ាណែត បានផ្ដាំផ្ញើរដល់និស្សិតជ័យលាភីដែលទទួលបានសញ្ញាបត្រនាថ្ងៃនេះ នាំយកចំនេះដឹងប្រកបដោយគុណភាពនាថ្ងៃនេះ បំរើរការងារប្រកបដោយវិជ្ជាជីវ: ដើម្បីបង្កើនជាតិនិងគ្រួសារ៕
