បាត់ដំបង: បើទោះបីជាមិនទាន់បានចំលើយសារភាពពីគ្រូពេទ្យឯកជនក៏ដោយក៏សមត្ថកិច្ចជំនាញនៅតែបន្តការស្រាវជ្រាវទៅតាមនិតិវិធី និងបន្តការសាកសួរទៅលើគ្រូពេទ្យឯកជនដែលគេសង្ស័យថាជាអ្នកចំលងមេរោគអេដស៍ដល់ប្រជាពលរដ្ឋរាប់រយនាក់នោះយ៉ាងយកចិត្តទុកដាក់ដោយផ្តោតសំខាន់ទៅលើការប្រើប្រាស់សេរុាំង និងម្ជុលដែលបានប្រើ
រួមគ្នាទៅលើអ្នកជំងឺនាពេលកន្លងមក ព្រមទាំងបានដាក់កំលាំងចុះទៅការពារសុវត្ថិភាពជូនដល់ក្រុមគ្រួសាររបស់គ្រូពេទ្យឯកជននោះយ៉ាងម៉ត់ចត់ទៅតាមប្រសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
គួររំលឹកដែរថាដោយសារតែមានភាពរំជើបរំជួលខ្លាំងអំពីបញ្ហានៃការឆ្លងមេរោគអេដស៍
ទៅលើប្រជាពលរដ្ឋនៅក្នុងភូមិរកា ឃុំរកា ស្រុកសង្កែ ខេត្តបាត់ដំបង រហូតដល់ជាង100នាក់រួចមកសមត្ថកិច្ចនៃការិយាល័យនគរបាលប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលខេត្តបាត់ដំបងបានចុះទៅនាំខ្លួនលោកគ្រូពេទ្យឯកជនម្នាក់ឈ្មោះ យ៉ែម ជ្រិន ភេទប្រុសអាយុ55ឆ្នាំ រស់នៅក្នុងឃុំរកាដើម្បីយកមកសាកសួរនៅការិយាល័យនេះដោយយោងទៅលើការប្រតិកម្មពីសំណាក់ប្រជាពលរដ្ឋជាច្រើនដែលរស់នៅក្នុងឃុំរកាទាំងមូល. ។
ដោយឡែកនៅឯលំនៅដ្ឋានរបស់គ្រូពេទ្យឯកជនត្រូវបានកំលាំងចំរុះដែលក្នុងនោះមាន
លោកស្នងការ ខេត្ត លោកព្រះរាជអាជ្ញា កំលាំងមកពីនាយកដ្ឋានបច្ចេកទេសវិទ្យាសាស្ត្រនៃក្រសួងមហាផ្ទៃ ដោយសហការជាមួយក្រសួងសុខាភិបាល និងអង្គការ CPU ដែលជាដៃគូដ៏សំខាន់បំផុតបានចុះទៅធ្វើការឆែកឆេរ ព្រមទាំងបានប្រមូលនូវសំភារ:ជាច្រើនដែលពាក់ព័ន្ធទៅនឹងក្បួនវេជ្ជសាស្ត្របើទោះបីជាកូនប្រសាររបស់គ្រូពេទ្យឯកជននោះបានប្រមូលដុតបំផ្លាញអស់មួយចំនួនរួចមកហើយក៏ដោយក៏កំលាំងជំនាញបានធ្វើការប្រមូលយ៉ាងយកចិត្តទុកដាក់ជាទីបំផុតដើម្បីបញ្ជូនទៅត្រួតពិនិត្យនិងធ្វើកោសល្យវិច័យនៅក្រសួងសុខាភិបាលដើម្បីអោយដឹងថាតើសំភារ:និងបរិក្ខាទាំងនេះមានពាក់ព័ន្ធ
ទៅនឹងការចំលងមេរោគដ៏សាហាវនេះដែរឬយ៉ាងណា. ។
នៅព្រឹកថ្ងៃទី19ខែធ្នូ ឆ្នាំ2014នេះបើគេសង្គេតមើលទៅមណ្ឌលសុខភាពរកា គឺមានប្រជា
ពលរដ្ឋយ៉ាងច្រើនកុះករបាននាំគ្នាចូលមកធ្វើតេស្តឈាមជាបន្តបន្ទាប់ដើម្បីចង់ដឹងថាតើក្នុងឈាមរបស់ពួកគាត់មានវិជ្ជមានដែរឬអត់ ដោយនៅព្រឹកនេះមានចំនួនរហូតដល់ 1117នាក់ហើយនេះបើយើងប្រៀបធៀបទៅនឹងថ្ងៃទី17វេលាម៉ោង11,30នាទីគឺមានតែចំនួន775តែប៉ុណ្ណោះនឹងមានអ្នកផ្ទុកមេរោគអេដស៍ចំនួន106នាក់. ។
ជាលទ្ធផលនៅព្រឹកថ្ងៃទី19នេះដែរយើងមិនអាចទទួលបាននូវលទ្ធផលពិតរបស់អ្នកផ្ទុក
មេរោគអេដស៍ពីក្រុមគ្រូពេទ្យជំនាញនោះឡើយ. ។ ដោយឡែកនៅឯសាលាឃុំរកាឯណោះវិញក៏មានក្រុមគ្រូពេទ្យកូរេ៉បានចុះទៅធ្វើការចែកថ្នាំគ្រប់ប្រភេទដល់ប្រជាពលរដ្ឋនៅក្នុងឃុំរកាទាំងមូលបើទោះបីជាពួកគាត់មានជំងឺអ្វីក៏ដោយ នេះគឺជាកាយវិការមួយប្រកបដោយមនុស្សធ៌មស្របពេលដែលប្រជាពលរដ្ឋក្នុងឃុំរកាទាំងមូលកំពុងជួបនឹងវិបត្តិយ៉ាងធ្ងន់ធ្ងរបែបនេះ. ។
ពាក់ព័ន្ធនឹងបញ្ហានេះលោកវរ:សេនីយ៍ទោ កុយ ហៀង នាយការិយាល័យនគរបាលប្រឆាំង
ការជួញដូរនិងការពារអនីតិជន នៃស្នងការដ្ឋាននគរបាលខេត្តបានលើកឡើងថា លោកមិនទាន់អាចបញ្ចេញនូវចំលើយរបស់គ្រូពេទ្យឯកជននេះបានទេដោយសារតែការសាកសួរនៅតែបន្តយ៉ាងយកចិត្តទុកដាក់ និងធ្វើការស្រាវជ្រាវលើសំណុំរឿងនេះមិនទាន់បានបញ្ចប់នៅឡើយ. ។
លោកវរ:សេនីយ៍ឯក ជេត វណ្ណនី ស្នងការរងបានមានប្រសាសន៍ថា ដោយយោងតាមបទ
បញ្ជារបស់លោកស្នងការ គឺលោកបានដាក់កំលាំងទៅការពារសុវត្ថិភាពដល់ក្រុមគ្រួសាររបស់គ្រូពេទ្យយ៉ាងម៉ត់ចត់គឺមិនអាចធ្វេសប្រហែសមួយវិនាទីណាបានឡើយ ដោយឡែកការឆែកឆេរលំនៅដ្ឋានគឺកំលាំងនាយកដ្ឋាន និងក្រសួងសុខាភិបាលបានប្រមូលសំភារ: បរិក្ខាដែលពាក់ព័ន្ធនឹងក្បួនវេជ្ជសាស្ត្រដោយបានធ្វើការវេចខ្ចប់យ៉ាងត្រឹមត្រូវដើម្បីបញ្ជូនទៅធ្វើកោសល្យវិច័យនិងពិនិត្យនៅក្រសួង។
ចំពោះកំណើននៃអត្រាអ្នកផ្ទុកមេរោគអេដស៍នៅក្នុងឃុំរកា រហូតមកទល់នឹងពេលនេះ
គឺលោក វឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបងមិនអាចជំរាបជូនបានទេនៅពេលនេះ៕
