សៀមរាប : ជនសង្ស័យភេទប្រុស២នាក់ ទី១ឈ្មោះ ឈាន រតនៈ អាយុ២០ឆ្នាំ ទីលំនៅភូមិវិហារចិន ទី២ឈ្មោះ ពៅ វុទ្ធី ហៅពែក ស្នាក់នៅក្នុងភូមិថ្មី សង្កាត់ស្វាយដង្គំ ក្រុងសៀមរាប ត្រូវបានកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបធ្វើការចាប់ឃាត់ខ្លួនកាលពីថ្ងៃទី១៩ ខែ ធ្នូ ឆ្នាំ ២០១៤ កន្លងទៅរួចយកមកកាន់ការិយាល័យនគរបាលជំនាញដើម្បីធ្វើការសួរនាំជាប់ពាក់ព័ន្ធក្នុងករណី ចាត់ចែង អោយប្រើប្រាស់ និងរក្សាទុកនូវសារធាតុញៀនខុសច្បាប់ ។ 
ជាប់ពាក់ព័ន្ធក្នុងករណីខាងលើលោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថា បន្ទាប់ពីកម្លាំងនគរបាលជំនាញបានធ្វើការតាមដានស្រាវជ្រាវនិងកំណត់មុខសញ្ញាបានហើយនោះទើបកម្លាំងសមត្ថកិច្ចជំនាញធ្វើការបង្ក្រាបបានតែម្តង ។
លោក វរសេនីយ៍ទោ អ៊ុំ សាអាត បានបន្តអោយដឹងទៀតថាក្នុងកិច្ចចុះប្រតិបត្តិការណ៍ខាងលើសមត្ថកិច្ចយើងបានធ្វើការដកហូតបាននូវវត្ថុតាងពីជនសង្ស័យរួមមាន ថ្នាំយ៉ាម៉ា ១គ្រាប់ ម៉ូតូហុងដាឌ្រីម c125 ១គ្រឿង សេរីឆ្នាំ២០០៤ ។ បច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងនិងបញ្ជូនទៅកាន់សាលាដំបូងខេត្តសៀមរាបហើយ ដើម្បីចំណាត់ការទៅតាមផ្លូវច្បាប់បន្ត ៕
លោក ខេង ខេមរា
