កំពង់ធំៈ ឈ្មួញឈើប្រើល្បិចបីសន្លឹក បោកទាំងសមត្ថកិច្ច ចៅហ្វាយស្រុក រហូតឈានដល់បោកចៅហ្វាយខេត្តកំពង់ធំ ធ្វើលិខិតក្លែងបន្លំសុំដឹកឈើ ដើម្បីសាងសង់ផ្ទះជូនស្រីមេម៉ាយ តែផ្ទុយទៅវិញឈ្មួញដឹកជាច្រើនឡានចូលដេប៉ូឈើស្គុន ចំណែកស្ត្រីមេម៉ាយសូម្បីតែឈើមួយសន្លឹកក៏មិនបានផង ដែលមិនខុសពី ស្វាលាបមាត់ពពែ។
យោងតាមប្រភពពត៌មាន ដែលត្រូវបានគេស្គាល់ឈ្មោះ ប្រាក់ ថា ជាអ្នករត់ការ កាន់ច្បាប់ក្លែងបន្លំដើម្បីដឹក ឈើ ដោយដឹកមួយឡានហើយមួយឡានទៀត កាន់ច្បាប់ដដែល ដែលត្រូវបានគេដឹងថា សង្ស័យមានការ ឃុបឃិតជាមួយលោក សៅ វណ្ណី នាយផ្នែករដ្ឋបាលព្រៃឈើសណ្តាន់ និងចៅហ្វាយស្រុកសន្ទុក មេឃុំកកោះ ដើម្បីថតយករូបភាពស្ត្រីមេម៉ាយម្នាក់ ដែលមានជីវភាពក្រីក្ររ មកធ្វើអជីវកម្ម។
យោងតាមលិខិតស្នើរសុំដឹកឈើ ដែលបានសសេរថា អ្នកស្រី ហែម ហេង សុំដឹកឈើគ្រឿងផ្ទះមួយគ្រឿង ប្រភេទលេខ២ ចំនួន ២១,៦២១២ម៉ែត្រគូប ដោយអះអាងថា យកទៅធ្វើផ្ទះដើម្បីដឹកយកមកភូមិ សាលាកកោះ ឃុំកកោះ ស្រុកសន្ទុក ខេត្តកំពង់ធំ តាមសំណើរលេខ ១៦៣៥ រ.ប ចុះថ្ងៃ១២ ខែ វិច្ឆិកា ឆ្នាំ ២០១៤ តែដោយការយកចិត្តទុកដាក់ ពីថ្នាក់ដឹកនាំខេត្តកំពង់ធំ ឯកឧត្តម សោម សុផាត អភិបាលរង ក៏បានចារបានឃើញ និងឲ្យសមត្ថកិច្វជំនាញរដ្ឋបាល ព្រៃឈើជួយសម្រួល តែផ្ទុយទៅវិញគឺជាការ ភូតភរកុហកថ្នាក់ដឹកនាំដឹកឈើទៅឲ្យឈ្មួញ នៅភូមិស្គុន ខេត្តកំពង់ចាម រីឯអ្នកស្រី ហែម ហេង ពុំដឹងថាឈ្មួញប្រើប្រាស់ល្បិច កលបែបនេះទេ គឺបានត្រឹមតែស្អុយឈ្មោះ ។
ដោយការឃុបឃិតគ្នារវាងឈ្មួញឈើដែលត្រូវបានគេលាក់អត្តសញ្ញាណ ក្នុងនោះក៏ត្រូវបានគេស្គាល់ឈ្មោះ ប្រាក់ ថា ជាអ្នករត់ការ យកឯកសាររូបភាពចាស់ ពាក្សសុំថ្ងៃជាមួយគ្នា ដែលមានឈ្មោះ យ៉ុង ផុន និងអ្នកស្រី ហែម នៅ តែឯកសារទាំងនេះគឺសុទ្ធតែបោកប្រាស់ គឺពុំមានឈើមួយដុំណាដល់ផ្ទះអ្នកទាំងពីនេះដែរ ទើបនៅយប់ថ្ងៃទី ២០ ខែ ធ្នូ ឆ្នាំ ២០១៤ លោក អ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ បានចេញបញ្ជារឲ្យសមត្ថកិច្ចប៉ូលិស និងសហការជាមួយមេព្រៃ ឃាត់ រថយន្តប្រភេទយីឌុប ពណ៌ខៀវ អត់ស្លាកលេខ ដែលបានធ្វើសកម្មភាពដឹកឈើ បម្រុងដឹកទៅខេត្តកំពង់ចាម ក៏ត្រូវបានឃាត់ហើយនាំយកមក រក្សា ទុកនៅផ្នែករដ្ឋបាលព្រៃឈើសណ្តាន់ ខណៈពេលដែលបែកការណ៍ហើយបើករថយន្តរត់ចេញទីតាំងលើក ឈើ។
ក្នុងនោះដែរក៏មហាជនបានធ្វើការរិះគន់យ៉ាងខ្លាំងចំពោះ អាជ្ញាធរ និងសមត្ថកិច្ចជំនាញដែលធ្វើការដោយ គ្មានការប្រុងប្រយ័ត្ន បណ្តោយឲ្យមានការធ្វើលិខិតបោកប្រាស់ថ្នាក់ដឹកនាំ និងខ្វះការត្រួតពិនិត្យរបស់សមត្ថ កិច្ចជំនាញ។ ដោយ ប៊ុន រដ្ឋា
