កន្លងមកអ្នកដែលប្រមាថដល់ព្រះនៅក្នុងសាសនាឥស្លាមនឹងត្រូវផ្តាន្ទាទោសជាប់ពន្ធនាគា នៅពេលពេលនេះប្រទេសភូមាក៏បានអនុម័តច្បាប់ដាក់ទោសអ្នកដែលប្រមាថដល់អង្គព្រះពុទ្ធ ផងដែរ។
កាលពីល្ងាចថ្ងៃទី២០ ខែធ្នូ ឆ្នាំ២០១៤ថា ជនជាតិណូវែលសេឡង់ម្នាក់ និងជនជាតិភូមាចំនួន០២នាក់ ត្រូវបានសមត្ថកិច្ច នៅក្នុងប្រទេសអាស៊ានមួយនេះ ឃាត់ខ្លួនបញ្ជូនទៅកាន់តុលាការ ដើម្បីវិនិច្ឆ័យទោសកំហុស បន្ទាប់ពីពួកគេ ត្រូវបានរកឃើញថាបង្កើត «ការប្រមាថដល់ អង្គព្រះពុទ្ធ»។
ប្រពភព័ត៌មានបានផ្សព្វផ្សាយថា មានជនសង្ស័យចំនួន០៣នាក់ ត្រូវបានចោទប្រកាន់ពីបទផឹកស្រវឹង និងបានជេរប្រមាថដល់អង្គព្រះពុទ្ធ ដោយមានបង្ហោះនៅ លើទំព័រហ្វេសប៊ុក របស់រង្គសាលមួយនៅក្នុងប្រទេសភូមា ។
បន្ទាប់ពីមានអ្នកដឹង អំពីអំពើប្រមាថនេះ ធ្វើឲ្យមនុស្សម្នា នៅក្នុងប្រទេសមានប្រតិកម្មយ៉ាងខ្លាំង ដោយជំរុញឲ្យដាក់ទោស ដល់បុគ្គលប្រព្រឹត្តខុស តាមច្បាប់របស់ភូមា ។
យោងតាមច្បាប់ភូមា ដែលបង្កើតឡើងបានបញ្ជាក់ថា ការប្រមាថជាអំពើឆ្គាំឆ្គងមួយ ដែលបំផ្លាញដល់សាសនា ។ ភូមា ត្រូវបានគេដឹងថា ជាប្រទេសដែលបានគោរព ព្រះពុទ្ធសាសនាតាំងពីយូរ លង់មកហើយ ។
អ្នកប្រមាថដល់អង្គព្រះពុទ្ធ បានបង្ហាញរូបភាពរបស់គេ ជាមួយនឹងការបិទភ្នែកទាំងសងខាង ជាមួយនឹងការពាក់កាស់ចម្រៀង នៅនឹងត្រចៀក និងធ្វើទឹកមុខខ្ពើម រអើមនឹងព្រះអង្គ ។ លើសពីនេះ ជននោះបានបង្ហាញ ក្នុងនាមជាផ្សព្វផ្សាយពាណិជ្ជកម្ម ឲ្យផឹកស្រានៅពេលថ្ងៃត្រង់ ដែលមានសុរា និងបៀមខ្សៀ ។
គួររំលឹកថា ហេតុការណ៍នោះ កើតឡើងកាលពីសប្តាហ៍មុន។ រង្គសាលដែលមាននាយកគ្រប់គ្រងឈ្មោះ Philip Blackwood វ័យ៣២ឆ្នាំ ម្ចាស់រង្គសាល Tun Thurein អាយុ៤០ឆ្នាំ និងអ្នក គ្រប់គ្រងលោក Htut Ko Ko Lwin វ័យ២៦ឆ្នាំ ត្រូវបានចាប់ខ្លួន ។ ករណីនេះ បានធ្វើឡើង ដោយមានពាក្យបណ្តឹងមួយ ពីនាយកដ្ឋានវប្បធម៌ នៅក្នុងប្រទេសភូមា បានប្តឹងដល់ជនទាំង០៣នាក់ ដែលបានប្រព្រឹត្តខុស នូវអំពើឆ្គាំឆ្គងនេះ ។
ការវិនិច្ឆ័យទោស នឹងសម្រេចនៅថ្ងៃទី២៦ ខែធ្នូ ឆ្នាំ២០១៤ខាងមុខ ដែលជនជាប់ចោទ នឹងប្រឈមមុខទោសទណ្ឌ ចំនួន០២ឆ្នាំ ៕
