ប្រទេសចិន ប្រកាសផ្តល់ជំនួយជាង ១ពាន់លានដុល្លារ សម្រាប់អភិវឌ្ឍប្រព័ន្ធហេដ្ឋារចនាសម្ព័ន្ធ និង ចូលរួមកាត់បន្ថយភាពក្រីក្រប្រទេសទាំង៥ ជាប់ដងទន្លេមេគង្គ រួមមាន៖ កម្ពុជា ឡាវ ថៃ វៀតណាម និងមីយ៉ាន់ម៉ា។
ជំនួយ ១ពាន់លានដុល្លារ ត្រូវប្រកាសផ្តល់ដោយនាយករដ្ឋមន្ត្រីចិន លោក លី ខៃឈៀង នាថ្ងៃសៅរ៍ ទី២០ ខែធ្នូ ឆ្នាំ២០១៤នេះ ក្នុងកិច្ចប្រជុំកំពូលលើកទី៥ នៃមហាអនុតំបន់ទន្លេមេគង្គ នៅទីក្រុងបាងកកប្រទេសថៃ។
តាមការចេញផ្សាយរបស់ទីភ្នាក់ងារព័ត៌មានចិន ស៊ិនហួនាថ្ងៃនេះ នាយករដ្ឋមន្ត្រីចិន បានលើកឡើងថា ហេដ្ឋារចនាសម្ព័ន្ធដើរតួនាទីសំខាន់ ក្នុងការតភ្ជាប់ ការដឹក ជញ្ជូន ដើម្បីជំរុញសេដ្ឋកិច្ច និង ការអភិវឌ្ឍន៍ ។
ចិន ក៏បានប្រកាសផ្តល់ជំនួយ ៤៩០លានដុល្លារ ដើម្បីកាត់បន្ថយភាពក្រីក្រ និងផ្តល់កម្ចីពិសេស ១,៦ពាន់លានដុល្លារ សម្រាប់ពង្រីកការនាំចេញ ផលិតផលពីប្រទេសចិន ៕https://www.youtube.com/watch?v=kzMi3uCH-Nk
