កុំព្យូទ័រគឺជាម៉ាស៊ីនអេឡិចត្រូនិក ផ្ទុកកម្មវិធីជាច្រើនសម្រាប់ប្រើប្រាស់ក្នុងការងារប្រចាំថ្ងៃដូច ជាការងារការិយាល័យ ធនាគារ ក្រុមហ៊ុន រោងចក្រ និងការងារជាច្រើនទៀត ។
ម៉ាស៊ីនកុំព្យូទ័របែងចែកជា៤ប្រភេទគឺ៖
១-Micro Computer (កុំព្យូទ័រប្រើប្រាស់ផ្ទាល់ខ្លួន) ។
២-Mini Computer (កុំព្យូទ័រ តូចៗ) ។
៣-Main Fram Computer (កុំព្យូទ័រធំ) ។
៤-Super Computer (កុំព្យូទ័រធំ) ។
តើម៉ាស៊ីនកុំព្យូទ័របង្កើតឡើងក្នុងឆ្នាំណា និងនៅពេលណា ?
ម៉ា ស៊ីនកុំព្យូទ័របង្កើតដំបូងក្នុងឆ្នាំ១៨២២ ដោយលោកឆាឡេស ប៊េបប៊ែច ទស្សនវិទូ វិស្វករមេកានិក គណិតវិទូ និងជាអ្នកច្នៃប្រឌិតជនជាតិអង់គ្លេស ។ ម៉ាស៊ីនកុំព្យូទ័រនេះជាទម្រង់ «មេកានិក» ដែលមានលក្ខណៈស្រដៀងទៅនឹងម៉ាស៊ីនវាយអង្គុលីលេខដែរ ។
ម៉ាស៊ីនកុំព្យូទ័រមេកានិកមានសភាពយឺតយ៉ាវ និងបង្កភាពស្មុគស្មាញដល់អ្នកប្រើប្រាស់ទៀតផង ។
ក្នុង ឆ្នាំ១៩៣៦ លោកខុនរ៉ាត ហ្សូស ជនជាតិអាល្លឺម៉ង់ បានបង្កើតកុំព្យូទ័រដែលផ្ទុកកម្មវិធីនានា (កុំព្យូទ័រសម័យទំនើប) ។
ក្នុងឆ្នាំ១៩៣៧ លោកចន អាតាណាស៊ុហ្វ សាស្ត្រាចារ្យប្រចាំសាកលវិទ្យាល័យ Lowa State College និងសហការីរបស់គាត់ឈ្មោះគ្លីហ្វត បែ៊រី បង្កើតកុំព្យូទ័រអេឡិចត្រូនិកដែលមានរូបរាងរហូតមកដល់ពេល បច្ចុប្បន្ននេះ ។
លោកឆាឡេស កើតនៅថ្ងៃទី២៦ ធ្នូ ឆ្នាំ១៧៩១ និងស្លាប់នៅថ្ងៃទី១៨ តុលា ឆ្នាំ១៨៧១ ក្នុងវ័យ៧៩ឆ្នាំ ដោយសារជំងឺតម្រងនោម និងគីស ។
សពរបស់លោកឆាឡេស ត្រូវគេបញ្ចុះនៅកន្លែងបញ្ជុះសព Kensal Green Cemetery នាភាគខាងលិចទីក្រុងឡុងដ៍ ប្រទេសអង់គ្លេស។ ចំណែកខួរក្បាលរបស់លោកឆាឡេស ត្រូវគេដាក់បង្ហាញក្នុងសារមន្ទី The Science Museum ៕
