កំពង់ធំៈ លោកព្រះរាជអាជ្ញារងខេត្តកំពង់ធំដឹកនាំកំលាំងចុះឃាត់បានគ្រឿងចក្រ២គ្រឿងដែលជីកកកាយដីចំណីមាត់ស្ទឹងសែននិងមនុស្ស២នាក់ រថយន្តកូរ៉េដឹកដី១គ្រឿងកាលពីរសៀលថ្ងៃទី20 ខែធ្នូ ឆ្នាំ២០១៤។ ប្រភពពត៌មានបានឲ្យដឹងថាបន្ទាប់ពីទទួលពត៌មានថា!មានគ្រឿងចក្រ២គ្រឿងកំពង់តែធ្វើអាជីវកម្មជីកកកាយដីចំណីមាត់ស្ទឹងសែនស្ថិតនៅក្នុងភូមិបល្ល័ង្គខាងកើត សង្កាត់ដំរីជាន់ខ្លា ក្រុងស្ទឹងសែននៅរសៀលថ្ងៃទី២០ ខែធ្នូ ឆ្នាំ២០១៤ លោក អ៊ិត សុធា ព្រះរាជអាជ្ញាអមសាលាតំបូងខេត្តកំពង់ធំបានបញ្ជាឲ្យលោក សាយ ណូរ៉ា ព្រះរាជ អាជ្ញារងដឹកនាំកំលាំងចំរុះរួមមានៈ អធិការដ្ឋាននគរបាលក្រុងស្ទឹងសែន ការិយាល័យភូមិបាលក្រុង លោកចៅសង្កាត់ដំរីជាន់ខ្លា និងមន្ត្រីនៃមន្ទីរឧស្សហកម្មរ៉ែ និងថាម ពលខេត្តចុះធ្វើការឃាត់បានគ្រឿងចក្រអ៊ិចស្កាចំនួន២គ្រឿង និងថយន្តកូរ៉េដឹកដី១គ្រឿងព្រមទាំងម្ចាស់២នាក់ដែលត្រូវបានគេស្គាល់ ទី១.ឈ្មោះ ម៉ុក វី ភេទប្រុសអាយុ ៣១ឆ្នាំ និងទី២.ឈ្មោះ ធន់ សាម៉ីឌី ភេទប្រុសអាយុ៣២ឆ្នាំ អ្នកទាំង២ រស់នៅភូមិ ដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន។
ឈ្មោះ ធន់ សាម៉ីឌី បានសារភាពថាកំហុសជាមួយនឹង លោកសាយ ណូរ៉ា ព្រះ រាជអាជ្ញារង ខ្លួនបានប្រើប្រាស់ លិខិតអនុញ្ញាតិចាស់តាំងពីឆ្នាំ២០១៣មកម្ល៉េះ ដែលចេញដោយ លោក ខែក ផា អភិបាលរងក្រុងស្ទឹងសែន ឲ្យជីកដោយគ្រឿងចក្រនៅចំនុចលង្គ័ល្លខាងលិចនោះទេ ហើយឆ្នាំ២០១៤នេះខ្លួនមិនបានធ្វើលិខិតថ្មីនោះដែរគឺប្រើរបស់ចាស់ដដែលដោយមកជីកនៅចំនុចភូមិបល្ល័ង្គខាងកើត ព្រមទាំងបានជីកដីស្ទឹងលក់ជារៀងរាល់ឆ្នាំ ។
តាមប្រភពពត៌មាន ដោយមានការបិទភ្នែក បិទច្រមុះពីសំណាក់អាជ្ញាធរនិងសមត្ថកិច្ចជំនាញបានឃុបគ្នាជាមួយសូរិយោដី បើកភ្លើងខៀវជីកកាយដីចំណីស្ទឹងយកមកលក់ ជារៀងរាល់ឆ្នាំដោយពុំមានការអើពើ ចាប់តាំងពីប្រើកំលាំងមនុស្ស រហូតឈានទៅដល់ប្រើគ្រឿងចក្រក៏ខ្លួនមិនបានសុំច្បាប់អនញ្ញាត់ថ្មីនោះដែរ គឺប្រើតែលិខិតចាស់ជាការបង្គ្រប់កិច្ច ដើម្បីកាយដីយកទៅលក់ នៅក្នុងខែនេះសរុបជាង៣០០ឡាន!ពួកគេបន្តរថាគេតែងតែនាំគ្នាជីកដីចំណីស្ទឹងនេះលក់ជារៀងរាល់ឆ្នាំជាយូរយាណាស់មកហើយ!មិនដែលមានបញ្ហានោះទេ។
ក្រោយពីបានស្តាប់ចម្លើយសារភាពរបស់ម្ចាស់អាជីវកម្មនិងពិនិត្យនូវលិខិតស្នាមដែលហួសសុពលភាពរួចមក!លោកព្រះរាជអាជ្ញាក៏បានឲ្យមន្ត្រីខាងមន្ទីរឧស្សហកម្មរ៉ែនិងថាមពលខេត្តជំនាញកសាងសំនុំរឿងប្រគល់តុលាកាធ្វើការផាកពិន័យកុំឲ្យនាំគ្នារំលោភជីកកកាយដីចំណីស្ទឹងខុសច្បាប់ទៀត។
ដោយ ប៊ុន រដ្ឋា
