ខេត្តកណ្តាល បុរសប្រមឹកម្នាក់បានស្លាប់បាត់បង់ជីវិត បន្ទាប់ពីស្រវឹងស្រារត់ទៅចងកសម្លាប់ខ្លួន នៅលើផ្ទះរបស់ខ្លួន។ហេតុការណ៍នេះបានកើតឡើងកាលពីវេលាម៉ោង២១និង០០នាទី យប់ថ្ងែទី២១ ធ្នូ ឆ្នាំ ២០១៤ នៅលើលំនៅដ្ឋានជនរងគ្រោះ ស្ថិតនៅក្នុងភូមិកូនជ្រែ ឃុំព្រែកអំបិល ស្រុកស្អាង ខេត្តកណ្តាល។ បុរសដែលបានចងកសម្លាប់ខ្លួននោះ មានឈ្មោះមាន ម៉ាប់ អាយុ២៣ឆ្នាំ មុខេបរ
កសិករ រស់នៅភូមិ ឃុំ ខាងលើ។ លោកសេង សុជាតិ អធិការនគរបាលស្រុកស្អាង បានប្រាប់ ឱ្យដឹងថា យោងតាមការអះអាងរបស់ ឪពុកអ្នកស្លាប់បានអះអាងថា កូនរបស់គាត់តែផឹកស្រា
ជាប្រចាំ និងបានក្លាយជាទម្លាប់ទៅហើយ លុះកាលពីវេលាកើតហេតុខាងលើ កូនប្រុសរបស់ គាត់បានអង្គុយផឹកស្រាម្នាក់ឯង រួចក៏បានឡើងទៅលើផ្ទះ ហើយក៏មិនបានចាប់អារម្មណ៍អ្វីដែរ ព្រោះគិតថា វាជាទម្លាប់របស់គេទៅហើយ។
រហូតដល់ម៉ោង៦ និង៣០នាទី ព្រឹកថ្ងែទី២២ ធ្នូ ឆ្នាំ២០១៤ បាត់កូនមិនឃើញក្រោកពីដំ ណេក ក៏ឡើងទៅមើលស្រាប់តែឃើញកូនប្រុស ចងកនៅហ្នឹងក្រម៉ានៅលើធ្នឹមផ្ទះស្លាប់បាត់ ទៅហើយ រួចក៏បានស្រែកអ្នកជិតខាងឱ្យមកជួយស្រាយទម្លាក់សពចុះ និងបានរាយការណ៍ជូ សមត្ថកិច្ចដើម្បីមកធ្វើកោសល្យវិច្ឆ័យពិនិត្យសាកសព។
ឪពុករបស់សពក៏បានប្រាប់ផងដែរថា នេះជាលើកទី២ហើយដែល កូនរបស់គាត់បានព្យាយាមធ្វើអត្តឃាត ដោយកាលពីលើកដំបូង នាឆ្នាំ២០១០ គឺរូបគេបានផឹកថ្នាំបំពុលសម្លាប់សត្វល្អិតម្តងរួចមកហើយ ប៉ុន្តែ ត្រូវបានក្រុមគ្រួ សារដឹកយកទៅសង្គ្រោះនៅមន្ទីរពេទ្យទាន់ពេលវេលា។ បន្ទាប់ពីជួយសង្គ្រោះជីវិតបាន បុរស ខាងលើរមែងផឹកស្រាស្រវឹងខួបជាប្រចាំ បើទោះជាអាណាព្យាបាលស្តីប្រដៅយ៉ាងណា ក៏មិន ខ្ចីយកត្រចៀកស្តាប់ដែរ។ ក្រោយពីសមត្ថកិច្ច ធ្វើកោសល្យវិច្ឆ័យបញ្ជាក់ថា ជនរងគ្រោះពិតជា បានស្លាប់ដោយសារការចងកធ្វើអត្តឃាត ក៏បានប្រគល់សពជូនក្រុមគ្រួសារធ្វើបុណ្យទៅតាម ប្រពៃណី។
