ខេត្តបន្ទាយមានជ័យ៖ប្រជាពលរដ្ឋ៣០គ្រួសារ ក្នុងចំណោម២៥០គ្រួសារ កំពុងទទួល រងគ្រោះធ្ងន់ធ្ងរបំផុត ដោយសារថៅកែរោងម៉ាស៊ីន កិនស្រូវដែលមានទីតាំងជាប់លំនៅដ្ឋានពួកគាត់បង្ហុយកំទេចធូលីអង្កាម ចូលទៅក្នុងលំនៅដ្ឋាន ពួកគាត់រាប់សិបឆ្នាំមកហើយ បង្កអោយប៉ះពាល់ដល់សុខភាព របស់ពួកគាត់ធ្ងន់ធ្ងរទៀតផង ។
ពលរដ្ឋរងគ្រោះទាំងនោះ គឺស្ថិតនៅក្នុងភូមិ ថ្នល់បត់ ឃុំភ្នំតូច ស្រុកមង្គល់បូរី ខេត្តបន្ទាយមានជ័យ ខណះដែលមានរោងម៉ាស៊ីន កិនស្រូវ ដ៏ធំមួយ នៅជាប់ក្នុងភូមិរបស់ពួកគាត់នេះ បានធ្វើអាជីវកម្ម កិនស្រូវលក់ ដើម្បីផលប្រយោជន៏របស់ពួកគេតែប៉ុណ្ណោះ ហើយបានបង្ហុយកាកសំណល់តាមរលកធាតុអាកាស ដូចជាកំទេចធូលីអង្កាម ចេញពីរោងម៉ាស៊ីនប៉ែកខាងក្រោយ បានហ៊ុយចូលភូមិដ្ឋាន ទាំងព្រឹកទាំងល្ងាចនោះ ទង្វើរបែបនេះ គេមិនដែលឃើញអាជ្ញាធរនិងមន្ត្រីបរិស្ថាន ស្រុកខេត្តខាងលើនោះ ចុះទៅពិនិត្យនិងមានវិធានការទប់ស្កាត់នោះទេ បើទោះជាពលរដ្ឋធ្វើការតវ៉ាជាច្រើនដងបែបណាក៏ដោយ។
តាមការត្អូញត្អែរ របស់ពលរដ្ឋជាច្រើននាក់ ដែលកំពុងជួបការលំបាកនិងសុខភាព ដែលប៉ះពាល់បង្កឡើងដោយថៅកែ រោងម៉ាស៊ីនខាងលើនោះ បានប្រាប់អ្នកកាសែតថា ជាច្រើនឆ្នាំមកហើយ ដែលថៅកែរោងម៉ាស៊ីនមានឈ្មោះ ហ្វាងវុន ភេទប្រុស និងប្រពន្ធឈ្មោះអេង បានប្រកបមុខរបរកិនស្រូវ នៅក្បែរភូមិរបស់ពូកគាត់ ហើយបានបង្ហុយ កំទេចអង្កាម ទាំងព្រឹកទាំងល្ងាច ចូលក្នុងភូមិរបស់ពួកគាត់ទាំងយប់ទាំងថ្ងៃ ពលរដ្ឋដ៏ដែលបានបន្តទៀតថា មានពលរដ្ឋចំនួន៤គ្រួសារ ដែលនៅខាងក្រោយ រោងម៉ាស៊ីនខាងលើនោះ បានរើលំនៅដ្ឋាន រត់ចេញទៅរស់នៅកន្លែងដែលមានសុវត្ថិភាពហើយ គេបានបន្តទៀតថា អ្វីដែលគ្រោះថ្នាក់ធ្ងន់ធ្ងរនោះគឺ 
ជំងឺផ្លូវដង្ហើម និងភ្នែក ដែលធ្វើអោយប៉ះពាល់ភាគច្រើន ទៅលើកុមារតូចៗ និងមនុស្សចាស់ជរា ទៀតផង ពលរដ្ឋដ៏ដែលបានបន្តទៀតថា គាត់បានតវ៉ាទៅដល់សាលាឃុំ ជាច្រើនដងដែរ ប៉ុន្តែថៅកែរោងម៉ាស៊ីនខាងលើនោះ ហាក់ដូចជា មិនសូវស្តាប់តាមការណែនាំរបស់មេឃុំនោះទេ ហើយគេមិនដឹងថា រឿរាវដ៏ធ្ងន់ធ្ងរខាងនោះ បានលឺទៅដល់ ចៅហ្វាយស្រុកនិងចៅហ្វាយខេត្តដែររឺអត់ ព្រោះពលរដ្ឋបានដាក់បន្តឹងជាច្រើនដងហើយ ថៅកែរោងម៉ាស៊ិន នៅតែបន្តបង្ហុយកំទេចអង្កាម ចូលទៅក្នុងភូមិពួគាត់ដ៏ដែលបែបនេះ ពលរដ្ឋទាំងនោះនាំគ្នាសំណូមពរ ទៅដល់អស់លោកអភិបាលស្រុក និងអភិបាលខេត្ត និងមន្ត្រីជំនាញផ្នែកបរិស្ថានស្រុកខេត្ត មេត្តាជួយមើល ការលំបាករបស់ពួកគាត់ផង ព្រោះទង្វើរបែបនេះ វាកើតមានរាប់សិបឆ្នាំមកហើយ ទើបធ្វើអោយពួកគាត់ទ្រាំមិនបាន ក៏រាយការណ៏ជូនមកអ្នកកាសែតជួយផ្សពផ្សាយតែម្តងទៅ ។
លោកជា សាង មេឃុំភ្នំតូច បានប្រាប់អ្នកយកព័ត៏មានយើង តាមទូរស័ព្ទថា មានរោងម៉ាស៊ីនមួយចំនួននៅក្នុងឃុំភ្នំតូច ត្រូវបានលោកកោះហៅមកអប់រំ ធ្វើកិច្ចសន្យាហើយ ដើម្បីអោយម្ចាស់រោងម៉ាស៊ីននោះ រកវិធីបិទបាំង លើបំពង់ទុយោ ដែលបញ្ញេញកំទេចអង្កាមទៅលើភូមិនាក់ស្រុក អោយបានចាប់ពីពេលនេះត៏ទៅ លោកជា សាងបានបន្តទៀតថា មានពេលខ្លះថៅកែរោងម៉ាស៊ីន គិតតែពីផលប្រយោជន៏របស់ខ្លួន ហើយមើលស្រាលដល់អាជ្ញាធរទៀតផង 
ប៉ុន្តែករណីថៅកែ រោងម៉ាស៊ីន ក្នុងភូមិថ្នលបត់នោះ គឺលោកបានព្រមានជាច្រើនដងមកហើយ ដោយឡែកថៅកែរោងម៉ាស៊ីន ដែលមានឈ្មោះដូចខាងលើនោះ បានដើរសុំទោសអ្នកស្រុកនៅក្បែររោងម៉ាស៊ីនរបស់ខ្លួនថា ពួកគេបានបិទបាំងក្រណាត់ជាច្រើនជាន់ហើយ តែវានៅតែហ៊ុយ អឹចឹង ឥឡូវនេះពួកគេបានត្រៀមធ្វើរបង និងបាំងក្រណាត់អោយខ្ពស់បន្តទៀតដើម្បីបញ្ជាសការហ៊ុយកំទេចអង្កាមចូលភូមិបងប្អូនអ្នកស្រុកត៏ទៅទៀត៕
