កងម៉ារីនឥណ្ឌូនេស៊ីបានវាយប្រហារ កម្ទេចកប៉ាល់នេសាទបរទេសខុសច្បាប់ ២គ្រឿងនៅតំបន់សមុទ្រក្នុងដែនអធិប-តេយ្យរបស់ប្រទេសនេះ ។ កប៉ាល់ទាំង២ គ្រឿងខាងលើត្រូវបានកងម៉ារីនប្រទេស នេះចាប់បានដោយពេលនោះមានផ្ទុក ត្រីសរុប៦៣តោន និងនាវិក៦២នាក់ សុទ្ធសឹងតែជាជនជាតិថៃ ។
សារព័ត៌មានដេលីម៉ែល បានផ្សព្វ ផ្សាយថា ហេតុការណ៍ខាងលើកើតឡើង នៅថ្ងៃទី២១ ខែធ្នូ ស្ថិតនៅតំបន់សមុទ្រ អាមប៊ន ប្រទេសឥណ្ឌូនេស៊ី ។ បើទោះបី មានការជំទាស់ពីប្រទេសជិតខាង ប៉ុន្ដែ រដ្ឋាភិបាលឥណ្ឌូនេស៊ីនៅតែសម្រេចឱ្យ កម្ទេចកប៉ាល់ខុសច្បាប់ទាំង២ខាងលើ ដើម្បីជាការព្រមានដល់កប៉ាល់នេសាទ ដទៃទៀតកុំឱ្យចូលដែនទឹករបស់ខ្លួន នេសាទខុសច្បាប់បែបនេះ ។
អ្នកនាំពាក្យកម្លាំងទាហានជើងទឹក ឥណ្ឌូនេស៊ីបានប្រកាសថា “យើងចាំបាច់ ត្រូវតែដុតបំផ្លាញកប៉ាល់នេសាទខាង លើដើម្បីឱ្យប្រទេសដទៃទៀតពិចារណា មុនពេលសម្រេចបញ្ជូនកប៉ាល់មក នេសាទនៅក្នុងដែនសមុទ្រសេដ្ឋកិច្ច របស់ប្រទេសដទៃ” ។
កប៉ាល់នេសាទទាំង២គ្រឿងខាងលើ ដែលត្រូវបំផ្លាញគឺចាប់បានតាំងពីថ្ងៃទី ១៧ ខែធ្នូ ដែលបានផ្ទុកមច្ឆាសមុទ្រដល់ ទៅ៦២តោន ។ ចំណែកនាវឹកទាំងអស់ ត្រូវបានឃុំខ្លួននៅតំបន់ អាមប៊ន មុន ពេលកប៉ាល់ត្រូវវាយតម្ទេច ។
នេះជាលើកទី៥ដែលកងម៉ារីន ឥណ្ឌូនេស៊ីកម្ទេចកប៉ាល់នេសាទបរទេស ចូលមកដែនសមុទ្រប្រទេសនេះខុស ច្បាប់ គិតចាប់ពីខែមីនាមកទល់ពេល នេះ ពិសេសចាប់តាំងពីប្រធានាធិបតី ចូកូវី ស្បថចូកកាន់តំណែង ។ កន្លងមក ថ្មីៗ លោកចូកូវី ក៏បានប្រកាសឱ្យកម្លាំង 
ទាហានជើងទឹកបាញ់កម្ទេចរាល់នាវា កប៉ាល់នេសាទណាដែលចូលនេសាទក្នុង ដែនសមុទ្ររបស់ខ្លួនខុសច្បាប់ ។ តាម តួលេខរបស់រដ្ឋាភិបាល ក្នុងមួយឆ្នាំៗ មានកប៉ាល់នេសាទបរទេសខុសច្បាប់ រហូតដល់៥៤០០គ្រឿងដើរចាប់មច្ឆា សមុទ្រមានតម្លៃប្រមាណ១៣,៥ពាន់ លានដុល្លារ
