ដោយមើលឃើញពីការរីកចម្រើនខាងផ្នែកសេដ្ឋកិច្ច ស្ថេរភាពនយោបាយនៅក្នុងកម្ពុជា ជាពិសេសតម្រូវការខាងផ្នែកបច្ចេកវិទ្យាទំនើប បាននឹងកំពុងមានការកើនឡើងពីមួយឆ្នាំ ទៅមួយឆ្នាំនោះ ក្រុមហ៊ុន ICE Electronics បានសម្រេចបណ្តាក់ទុនវិនិយោគរបស់ខ្លួន បន្ថែមទៀត តាមរយៈការការបើកសម្ពោធក្រុមហ៊ុនថ្មីសាខាទឹកថ្លាទីតាំងទី៣ ដែលស្ថិតនៅ ផ្ទះលេខ ៦១-៦៣ ផ្លូវលេខ ១០១៩ ផ្លូវណតប្រ៊ីដ រាជធានីភ្នំពេញ ព្រមជាមួយការលក់ បញ្ចុះតម្លៃ
ជាពិសេស ទៅលើផលិតផលមួយចំនួនដូចជា៖ Dell Lenovo Sony Projector និង Fuji Xerox and APC ក្នុងគោលបំណងបំពេញតម្រូវការរបស់អតិថិជនផ្ទាល់ និង សហគ្រាសទូទៅ សម្រាប់ផ្នែកបច្ចេកវិជ្ជា និង សេវាកម្មរបស់ក្រុមហ៊ុន ។
លោក Len Tan នាយកប្រតិបត្តិនៃក្រុមហ៊ុន ICE Electronic បានមានប្រសាសន៍ថា សាខា ICE Electronic ថ្មីនេះ នឹងផ្តល់ជូនលោកអ្នកជាមួយនូវបច្ចេកវិទ្យាទំនើបលំដាប់ ខ្ពស់ និង ដំណោះស្រាយផ្សេងៗ ដើម្បីជួយដល់អតិថិជនក្នុងការបង្កើននូវការរីកចំរើននៃ អាជីវកម្មរបស់អតិថិជន ។ មិនតែប៉ុណ្ណោះ ICE Electronic មានដៃគួរចែកចាយបន្តផ្ទាល់ ដូចជា៖ Fuji Xerox ,APC ,Dell,Lennovo,Sony, និង បណ្តាផលិតផលម៉ាកផ្សេងជា ច្រើនទៀត ។
លោកបន្តទៀតថា ក្រុមហ៊ុននឹងផ្តល់ជូនអតិថិជនទាំងអស់សម្រាប់តម្លៃ និង ដំណោះ ស្រាយដ៏ល្អបំផុត ដែលប្រសើរជាងក្រុមហ៊ុនអេឡិចត្រូនិចដទៃទៀតនៅក្នុងប្រទេសកម្ពុជា អាចផ្តល់បាន ។សូមបញ្ជាក់ថា ការបើកសម្ពោធសាខាថ្មីខាងលើនេះ មានការអញ្ជើញចូលរួមពីសំណាក់ លោក Kohei Sakomoto ប្រធានចាត់ការទូទៅនៃនាយកដ្ឋានទីផ្សាររបស់ក្រុមហ៊ុន Fuji Xerox Viet Nam លីមីតធីត និង លោក Koon San Ang ជា Country President of APC, Schneider Electronic ៕
