លោកយាយ លោកតាទុរគតជន ចំនួនបីគ្រួសារ រស់នៅស្រុកស្វាយអន្ទរ ស្រុកមេសាងនឹងស្រុកបាភ្នំ ខេត្តព្រៃវែង បានទទួលអំណោយសប្បុរសធម៏ ពីក្រុមការងារអ្នកយកព័ត៌មាន ប្រចាំខេត្តមណ្ឌលគិរី ដែលបានគៀងគរប្រមូលបាននូវថវិការមួយចំនួន នឹងគ្រឿងឧបភោគបរិភោគពីសប្បុរជន ដែលរស់នៅខេត្តមណ្ឌលគិរី ។ សកម្មភាពមនុស្សធម៏ខាងលើនេះ បានធ្វើឡើងកាលពីថ្ងៃទី២២ ខែធ្នូ ឆ្នាំ២០១៤ ។
គ្រួសារទី១.លោកតា ខាត់ កុល អាយុ៨៤ឆ្នាំ រស់នៅភូមិព្រៃឈើទាល ឃុំសំរោង ស្រុកស្វាយអន្ទរ ខេត្តព្រៃវែង បានពិការភ្នែកតាំងពីសម័យប៉ុលពត ហើយបច្ចុប្បន្ន លោកតារស់នៅក្នុងគ្រួសារ ជាមួយកូនស្រីមេម៉ាយឈឺរ៉ាំរ៉ៃម្នាក់ នឹងកូនស្រីវិកលចរិកម្នាក់ ។
អំណោយសប្បុរសធម៏ ដែលក្រុមការងារអ្នកយកព័ត៌មាន ប្រចាំខេត្តមណ្ឌលគិរី នាំយកទៅជូនគ្រួសារលោកតា ខាត់ កុល មានដូចជា៖ អង្ករមួយបាវ ស្មើរ៥០គីឡូក្រាម មី៥០កញ្ចប់ ទឹកស៊ីអៀវមួយយួរ ត្រីខមួយយួរ នឹងថវិការចំនួន២០ម៉ឺនរៀល ។
គ្រួសារទី២. លោកយាយ ចាន់ យឿន អាយុ៨៧ឆ្នាំ សព្វថ្ងៃរស់នៅភូមិក្បាលខ្វែក ឃុំស្វាយជ្រុំ ស្រុកមេសា ខេត្តព្រៃវែង បានធ្លាក់ខ្លួនឈឺ ងើបពីកន្ទេលមិនរួច ជិតដប់ឆ្នាំមកហើយ ។ បច្ចុប្បន្នលោកយាយ រស់នៅជាមួយកូនស្រីមេម៉ាយម្នាក់ ក្នុងខ្ទមស្លឹកត្នោត រហែករយីរយ៉ាក នឹងចៅៗចំនួន៨នាក់ក្នុងបន្ទុក ។ អំណោយសប្បុរសធម៏ ពីក្រុមការងារ ដែលអ្នកយកព័ត៌មានប្រចាំខេត្តមណ្ឌលគិរី យកទៅជូនគ្រួសារលោកយាយ មានដូចជា៖ អង្ករមួយបាវ ស្មើរ៥០គីឡូក្រាម មី៥០កញ្ចប់ ទឹកស៊ីអាវមួយយួរ ត្រីខមួយយួរ នឹងថវិការចំនួន១៥ម៉ឺនរៀល ។
គ្រួសារទី៣.លោកយាយ ឡៃ ម៉ៃ អាយុ៨៥ឆ្នាំ សព្វថ្ងៃរស់នៅភូមិកាឡីខាងត្បូង ឃុំស្ពឺ(ក) ស្រុកបាភ្នំ ខេត្តព្រៃវែង ។ បច្ចុប្បន្នលោករស់នៅម្នាក់ឯង ពុំមានកូនចៅទេ ហើយប្តីរបស់លោកយាយ ត្រូវបានប៉ុលពត យកទៅសម្លាប់ តាំងពីឆ្នាំ១៩៧៥មកម្ល៉េះ ។ អ្នកភូមិរស់នៅជិតខាង បានឲ្យដឹងថា រាល់ថ្ងៃនេះ លោកយាយពុំអាចរកចំនូលអ្វីមកចិញ្ចឹមជីវិតបានឡើយ ក្រៅពីអ្នកជិតខាង នឹងកូនក្មួយមួយចំនួន ជួយឧបត្តមបានបន្តិចបន្តួច ។ អំណោយសប្បុរសធម៏ ពីក្រុមការងារដែលអ្នកយកព័ត៌មាន ប្រចាំខេត្តមណ្ឌលគិរី យកទៅជូនគ្រួសារលោកយាយ មានដូចជា៖ អង្ករមួយបាវ ស្មើរ៥០គីឡូក្រាម មី៥០កញ្ចប់ ទឹកស៊ីអាវមួយយួរ ត្រីខមួយយួរ នឹងថវិការចំនួន១៨ម៉ឺនរៀល។
ថវិការដែលក្រុមការងារ យកទៅជូនដល់ទុរគតជនខាងលើ គឺជាទឹកចិត្តសប្បុរសធម៏របស់បងប្អូន ដែលរស់នៅខេត្តមណ្ឌលគិរី មានដូចជា៖ លោក ឌី ជាងឡាន ស្រុកកែវសីមា ទឹកស៊ីអ៊ីវ១យួរ ត្រីខមួយយួរ លោកសាត ចាន់បុត្រ ភ្នាក់ងារអប្សរាណិត មណ្ឌលគិរី មីមួយកេះ ត្រីខមួយយួរ ថវិការ១០ម៉ឺនរៀល លោក ទីង ស្រុកកែវសីមា ទឹកស៊ីអ៊ីវ១យួរ លោក ទៀ ខូវម៉េង មេបញ្ជាការកងអនុសេនាធំទី២ ស្រុកកែវសីមា អង្ករពីរបាវ ស្មើរ១០០គីឡូក្រាម លោក ហួត រ័ត្ន មេបញ្ជាការសឹងរង ស្រុកកែវសីមា ថវិការចំនួន២០ម៉ឺនរៀល លោក សែត សារឿន ការសែតសង្គមជាតិ មីមួយកេះ ទឹកស៊ីអ៊ីវមួយយួរ អ្នកស្រី លីន ស្រុកកែវសីមា អង្ករ១បាវ ស្មើរ៥០គីឡូក្រាម ថវិការ១០ម៉ឺនរៀល លោក ឃុន ក្រុងសែនមនោរម្យ ថវិការ២ម៉ឺនរៀល លោក វ៉ាន់ ទិត្យ TV9 ថវិការ១០ម៉ឺនរៀល ចែ តុប អាជីវករលក់ ចាប់ហួយ មីមួយ៥០កញ្ចប់ ត្រីខមួយយួរ ។
សូមបញ្ជាក់ថា ការនាំយកអំណោយឧបត្តម ដល់ទុរគតជនខាងលើ ក្រោមការផ្តួចផ្តើម ពីសំណាក់លោកសាយ ករុណា ភ្នាក់ងារយកព័ត៌មានកោះសន្តិភាព ខេត្តមណ្ឌលគិរី នឹងលោក ម៉ន ម៉ារ៉េត ភ្នាក់ងារយកព័ត៌មានទូរស្សន៏អប្សរា ខេត្តមណ្ឌលគិរី ។ ហើយសកម្មភាពមនុស្សធម៏នេះ នឹងបន្តសកម្មភាពជារៀងរហូត ៕
