កំពង់ធំ=នគរបាលប្រឆាំងបទល្មើសសេដ្ឋកិច្ចខេត្តកំពង់ធំចាប់បានរថយន្ដម៉ាកកូរ៉េ ពាក់ផ្លាកលេខ សៀមរាប 3A 0656 ដឹកទំនិញអត់ច្បាប់មានគ្រឿងឧបភោគ បរិភោគគេចពន្ធ ខូចគុណភាព ការចុះចាប់នេះមានបញ្ចាពីឯឧត្តម ជូរ សំអាន ស្នងការនគរបាលខេត្ត អោយលោកអាំងសុខ ជា នាយការិយាល័យ លោក យឹម សោ ភ័ណ្ឌ នាយរង ការិយាល័យនគរបាលប្រឆាំងបទល្មើសសេដ្ឋកិច្ច ដឹកនាំ កំលាំងចំនួន៥នាក់ ស្ទាក់ចាប់បានកាលពីព្រឹក ថ្ងៃទី២៤ខែធ្នូឆ្នាំ២០១៤។ 
រថយន្ដដឹកទំនិញខូចគុណភាពនេះចាប់បាននៅចំនុច ភូមិត្រពាំងឫស្សី ឃុំត្រពាំងឫស្សីស្រុកកំពង់ស្វាយ ខេត្តកំពង់ធំ បន្ទាប់មកបញ្ចូនមនុស្ស២នាក់ ព្រមទាំងរថយន្ដ១គ្រឿង មកកាន់ស្នងការនគរបាលខេត្តកំពង់ធំដើម្បីធ្វើការរុះរើឆែកឆេរ និងធ្វើកំណត់ហតុ ដោយ ម្ចាស់រថយន្ដ មានឈ្មោះ មឿនណុល អាយុ ៥៣ឆ្នាំរស់នៅភូមិទន្ទសិន ខាងត្បូង ឃុំគោកចក ស្រុកសៀមរាប ខេត្តសៀមរាប និងអ្នកបើកបរឈ្មោះ ស្គុន មី អាយុ ៥៣ឆ្នាំ រស់នៅភូមិ ស្លក្រាម ឃុំស្លក្រាម ស្រុកសៀមរាប ខេត្តសៀមរាប ។ 
ក្រោយពីធ្វើការឆែកឆេរ ឃើញមាន ប្រហិត សាច់ជ្រូក សាច់មាន់២កេះធំ សាច់ត្រី សុទ្ធតែជារបស់ក្លះសេ ប្រើដោយសារជាតិគីមី ការពារកុំអោយស្អុយ ឫខូចគុណភាព ក្នុងនោះមានប្រេងឆា មេឡេលាប់ស្បែក ម្សៅស្ករ ជាច្រើនប្រភេទទៀត សរុប ទំនិញទាំងអស់ មានតំលៃ៤៥៧,៧៥ដុល្លា ព្រមទាំងត្រីអណ្ដែង ត្រីភ្ទួក់ ៧កេះ ផ្សេងទៀត តាមចំលើយសារភាពពីថៃ
កុង ឡានបានប្រាប់អ្នកសារពត៍មានថាខ្លួនបានស៊ីឈ្នួលដឹក ចេញពីរហាងមានយាហោ អិល ខេ ធី លក់ដុំ លក់រាយ គ្រឿងឧបភោគ បរិភោគ គ្រប់ប្រភេទ ដែលមានទីតាំង ផ្ទះលេខ១៣៨ ភូមិវិហារចិន ឃុំស្វាយដង្គុំ ខេត្តសៀមរាប យកទៅដាក់អោយម៉ូយនៅហាងបឹងសំរឹត ក្នុងខេត្តកំពង់ធំ និងក្រុងភ្នំពេញ ពុំមែនជាអ្នករកស៊ីជួញប្រែរទំនិញទាំងនេះទេ។ ប៊ុនរិទ្ធី
