បន្ទាប់ពីការឈប់ដើរបានរាលដាលកាន់តែធំឡើង បញ្ហាមិនដំណើរការប្រព័ន្ធអ៊ីនធើណេតរបស់ប្រទេសកូរ៉េខាងជើង បានកើតមានឡើង បន្ទាប់ពីសហរដ្ឋអាមេរិកបានសន្យាធ្វើការឆ្លើយតប ចំពោះការវាយប្រហារតាមប្រព័ន្ធអ៊ិនធើណេតទៅលើក្រុមហ៊ុន SONY Pictures ដែលត្រូវបានគេស្តីបន្ទោសទៅលើរដ្ឋាភិបាលក្រុងព្យុងយ៉ាង ។
ប្រព័ន្ធអ៊ិនធឺណិតរបស់ដ៏រឹតត្បិតរបស់ប្រទេសកុម្មុយនីស្តឯកកោមួយនេះ ដែលរួមមានបណ្តាញគេហទំព័រព័ត៌មានដែលគ្រប់គ្រងដោយរដ្ឋ បានឈប់ដំណើរការទាំងស្រុងកាលពីយប់ថ្ងៃច័ន្ទដើមសប្តាហ៍នេះ ដោយក្រុមអ្នកជំនាញអះអាងថាទំនងជាលទ្ធផលនៃការវាយប្រហារតាមប្រព័ន្ធអ៊ិនធើណេត ។
ការគ្មានដំណើរការនេះមានរយៈពេលប្រហែល៩ម៉ោង មុនពេលប្រព័ន្ធវ៉ែបសាយ មានដំណើរការឡើងវិញនៅព្រឹកថ្ងៃអង្គារម្សិលមិញនេះ ក្នុងនោះរួមមាន៖ ទីភ្នាក់ ងារសារព័ត៌មានមជ្ឈឹមកូរ៉េ និង កាសែត Rodong Sinmun ជាដើម ៕
