បន្ទាយមានជ័យ:សិក្ខាកាមចំនួន ៤២ នាក់ មកពី២១ឃុំ នៃខេត្តបន្ទាយមានជ័យ ទទួលវិញ្ញាប័នបត្របញ្ជាក់ការសិក្សាជំនាញ កែសម្ផស្ស និងកាត់ដេរ នៅមជ្ឈមណ្ឌុលបណ្ដុះបណ្ដាលវិជ្ជាជីវខេត្ត បន្ទាយមានជ័យ កាលពីថ្ងៃទី ២៥ ខែ ធ្នូ ឆ្នាំ២០១៤ ពីកម្មវិធីផ្សព្វផ្សាយ ការបណ្ដុះបណ្ដាល
សញ្ញាបត្របច្ចេកទេស និងវិជ្ជាជីវ:កម្រិត ១ហៅកាត់ថា STVETឧបត្ថមដោយ ADB grand No.0178.CAMឆ្នាំ២០១៣-២០១៤ ដើម្បីយកចំណេះជំនាញទៅបំរើការងារក្នុងមូលដ្ឋានលើកកំពស់សេដ្ឋកិច្ចគ្រួសារនិងសង្គម។
ឯកឧត្ដម គោស៊ុំ សារឿតអភិបាលនៃគណ:អភិបាលខេត្តបន្ទាយមានជ័យមានប្រសាសន៍ថា: ការងារបណ្ដុះបណ្ដាលសំខាន់៣ ដែលខេត្តបានយកចិត្តទុកដាក់និងចង់ជុំអោយយុវជន បានចូលក្នុងការបណ្ដុះ បណ្ដាលបន្ថែម ដើម្បីអោយយុវជនយ៊ើងងាយស្រួលក្នុងការរកការងារធ្វើ នោះគឺ ជំនាញអគ្គីសនី ជាងគ្រឿងយន្តធន់តូចធំ និងការងារសំណង់ ដែលជំនាញទាំងនេះ ជាជំនាញស្របនិងកំនើនជីវភាពពលរដ្ឋបច្ចុប្បន្ន។
ឯកឧត្ដម គោស៊ុំ សារឿត សំណូមពរដល់ក្រសួងសាមី ផ្ដល់នូវអាគារ សាលាបច្ចេកទេសនេះបន្ថែម ដើម្បីអោយសិក្ខាកាមក្នុងខេត្តទទួលបានចំណេះដឹងបន្ថែមទៀត ងាយស្រួលក្នុងការរកការងារធ្វើ ចៀសវៀងកាចំនាកស្រុក។
ឯកឧត្ដម ពេច សោភ័ណ រដ្ឋមន្ត្រី ស្ដីទីនៃក្រួងការងារ និងបណ្ដុះបណ្ដាលវិជ្ជាជីវ:មានប្រសាសន៍ថា: វិញ្ញាប័នបត្រនេះគឺជាទឹកប្រាក់មានន័យថា: ក្រោយពីបញ្ចប់កម្រឹត ១.២.៣អាចមានសពលភាពស្មើរ Bace 2 អាចយកទៅចូលរៀនក្នុងមហាវិទ្យាល័យបាន តាមកំណែទម្រង់រាជរដ្ឋាភិបាល មួយវិញទៀត ការសិក្សារបញ្ចប់ជំនាញនេះ អាចប្រកបការងារទៅតាមជំនាញដែលបានសិក្សា បង្កើនជីវភាពគ្រួសារផងដែរ។
ឯកឧត្ដម ពេច សោភ័ណ សំណូមពរដល់សិក្ខាកាម ដែលបានបញ្ចប់ការសិក្សារនាពេលនេះ យកចំណេះដឹង ជំនាញដែលទទួលបានទៅ ទៅប្រកបអាជីវកម្ម ប្រកបដោយជោគជ័យបង្កើនសេដ្ឋកិច្ចគ្រួសារ៕
