គ្រោះមហន្តរាយទឹកជំនន់បាននឹងកំពុងវាយប្រហារទៅលើរដ្ឋចំនួន ៦ នៅក្នុង ប្រទេសម៉ាឡេស៊ី និង បានធ្វើអោយប្រជាជនច្រើនជាង ៥៨.០០០ នាក់ហើយ ត្រូវបានជម្លៀសខ្លួនទៅកាន់តំបន់ទីទួលសុវត្ថិភាព នេះបើយោងទៅតាមសេចក្តី រាយការណ៏ក្នុងតំបន់ ។
បណ្តារដ្ឋទាំង ៦ ដែលកំពុងទទួលរងផលប៉ះពាល់ខ្លាំងនោះ មានដូចជា៖ រដ្ឋ គេឡានតាន រដ្ឋ តេរ៉ាហ្គានូ រដ្ឋ ប៉ាហាង រដ្ឋ ប៉េរ៉ាក់ រដ្ឋ សាបា និង រដ្ឋ ប៉េលីស ។
ស្របពេលជាមួយគ្នានេះ មន្ត្រីអាជ្ញាធរក្នុងរដ្ឋ គេឡានតាន ដែលជាតំបន់ទទួល រងផលប៉ះពាល់ខ្លាំងជាងគេ បានអោយដឹងថា នៅក្នុងរយៈពេលត្រឹមតែមួយរាត្រី តួលេខជនភៀសខ្លួនបានកើនឡើងពី ៣.១៦៤ នាក់ រហូតច្រើនជាង ២១.៦០០ នាក់ ខណៈដែលរដ្ឋ តេរ៉ាហ្គានូ ដែលស្ថិតភាគខាងជើងប្រទេស មានតួលេខជន ភៀសខ្លួនកើនឡើងរហូតដល់ទៅជាង ២០.០០០ នាក់ផងដែរ ៕
