រដ្ឋមន្ត្រីការពារជាតិរូស្ស៊ី លោក អាណាតូលី អានតូណយ បាននិយាយថា ការ សំរេចចិត្តរបស់រដ្ឋាភិបាលក្រុងគៀវ ក្នុងការប្តូរគោលនយោបាយមិនចូលបក្ស សម្ព័ន្ធ និង ងៀកទៅរកការរឹតបន្តឹងចំណងមិត្តភាពជាមួយនឹងសម្ព័ន្ធណាតូ គឺជា លទ្ធផលនៃការដាក់សម្ពាធពីប្លុកអាត្លង់ទិក ដែលមានបំណងចង់យកអ៊ុយក្រែន ធ្វើជាខ្សែរបន្ទាត់ជួរមុខនៃការប្រឈមមុខដាក់គ្នារជាមួយរូស្ស៊ីនាពេលខាងមុខ ។
លោកអាណាតូលីបានបន្ថែមថា ការសំរេចចិត្តរបស់រដ្ឋាភិបាលក្រុងគៀវនាពេល នេះ បាននឹងកំពុងធ្វើការសំរេចចិត្ត ដែលជំរុញអោយស្ថានភាពនៅក្នុងតំបន់កាន់ តែធ្លាក់ចូលទៅក្នុងវិបត្តិកាន់តែជ្រៅ ខណៈដែលការប្រឈមមុខដាក់គ្នានៅក្នុង តំបន់ភាគខាងកើតអ៊ុយក្រែន ពុំទាន់អាចស្វែងរកដំណោះស្រាយបាននៅឡើយ នោះ ។
គួរបញ្ជាក់ថា វិបត្តិនៅក្នុងតំបន់ភាគខាងកើតអ៊ុយក្រែន ដែលបានបន្តរអូស បន្លាយរហូតមកដល់ពេលនេះ បានសម្លាប់ជិវិតមនុស្សជាង ១.៣០០ នាក់ហើយ នេះបើយោងទៅតាមរបាយការណ៏របស់អង្គការសហប្រជាជាតិ កាលពីដើមខែ ធ្នូរ ឆ្នាំ ២០១៤ នេះ ៕
