បន្ទាយមានជ័យពលរដ្ឋក្រីក្រ ២០០ គ្រួសារនៅក្នុងក្រុងសិរីសោភ័ណ ទទួលអំណោយ ជាអង្ករ មីទឹកត្រីទឹក ស៊ីអ៊ីវ ពីគ្រីស្ទបរិសទ្ទ ក្នុងពិធីបុណ្យណូអែល អបអរសាទរព្រះរាជកំកំណើតព្រះយេស៊ូគ្រីស្ទ និងដើម្បីអោយគ្រីស្ទបរិសទ្ទ នៅទូទាំងខេត្ត បានជួបជុំគ្នា សហការគ្នាក្នុងការបំរើព្រះជួយ
ដល់សហគមន៍ដោយសេចក្តីស្រលាញ់ របស់ព្រះ អម្ចាស់។ការជួបជុំនេះកាលពីថ្ងៃទី ២៥ ខែធ្នូ ឆ្នាំ២០១៤នៅវេទិការខេត្ត វត្តមាន ឯកឧត្ដម អ៊ុង អឿន ទីប្រឹក្សារាជរដ្ឋាភិបាល និងជាប្រធានក្រុមប្រឹក្សាខេត្តបន្ទាយមានជ័យ ឯកឧត្ដម គោស៊ុំ សារឿត អភិបាលនៃគណះអភិបាលខេត្ត ឯកឧត្ដម អួង វិបុល អនុរដ្ឋលេខាធិការក្រសួង ធម្មការ និងសាសនា គ្រូគង់វាល និងគ្រីស្ទបរិសទ្ទយ៉ាងច្រើនកុះករចូលរួម។
លោក ហម ស៊ុយ ប្រធានគណកម្មការគ្រិស្ទានសហគមន៍ ប្រចាំខេត្តបន្ទាយមានជ័យ អទិដ្ឋានដើម្បីសុំព្រះប្រទានពរដល់ អ្នកបានចូលរួមក្នុងកម្មវិធី និងពរដ្ឋទូទៅក្នុងខេត្ត អោយទទួលពរពីព្រះអម្ចាស់។លោក សង យិនស៊ុប នាយកប្រចាំប្រទេសមេតូឌីសកូរ៉េ ថ្លែងថា: នៅក្នុងពិធីណូអែល ពួកទេវតា និងចុះមកប្រទានពរដល់យើងគ្រប់គ្នា ហើយការប្រសូត្ររស់យេស៊ូគ្រិស្ទ គឺជាដំណឹងពិសេស ការប្រសូត្រនេះដើម្បីលាងបាប និងសង្គ្រោះមនុស្សដែលមានបាប និងនាំមនុស្សព្រមទាំងសង្គមទាំងមូល មានសន្តិភាព សេចក្តីសុខ ផុតពីអំពើបាបផងទាំងពួង។
ឯកឧត្ដម គោស៊ុំ សារឿត អភិបាលនៃគណះអភិបាលខេត្តបន្ទាយមានជ័យ មានប្រសាសន៍ថា: កម្មវិធីនយោបាយរបស់រាជរដ្ឋាភិបាល បានយកចិត្តទុកដាក់លើវិស័យសាសនាទាំងអស់ រួមទាំងពុទ្ធិសាសនា គ្រិស្ទសាសនា ឥស្លាមសាសនា និងសាសនាផ្សេងៗទៀត “ដោយគោរពសេរីភាពជំនឿសាសនា និងជំរុញលើកកំពស់ យ៉ាងសកម្មតួនាទីរបស់គ្រួសារ និងផ្សាភ្ជាប់ទៅនឹងតម្លៃប្រពៃណី នៃសាសនាក្នុងព្រះរាជាណាចក្រកម្ពុជា ដើម្បីបង្កើនការយល់ដឹងពីតម្លៃសីលធម៏រស់នៅក្នុងសង្គម។
ឯកឧត្ដម គោស៊ុំ សារឿត បន្តថា:ការប្រារពឡើងបុណ្យណូអែល និងការអបអរសាទរព្រះរាជកំកំណើតព្រះយេស៊ូគ្រីស្ទនាពេលនេះ បាននាំនូវការចែករំលែក ជាអំណោយជូនដល់គ្រួសារក្រីក្រក្នុងក្រុងសិរីសោភ័ណ ២០០គ្រួសារ សរុបជាថវិការ២៥០ដុល្លា ដែលក្នុង១គ្រួសារទទួលបាន អង្ក១០kg. មី ២០កញ្ជប់ ទឹកត្រី នឹងទឹកស៊ីអីវ២ ដប៕
