អ្នកនាំពាក្យក្រសួងការពារជាតិឥណ្ឌាម្នាក់ បាននិយាយថា កងកម្លាំង និងប៉ូលីសឥណ្ឌា បានបង្កើនប្រតិបត្តិការ ប្រឆាំង នឹងក្រុមបះបោរ ដែលបានសម្លាប់រង្គាលប្រជាជននៅរដ្ឋ អាហ្សេម ដែលជាទីកន្លែងផលិតស្លឹកតែធំ មួយរបស់ឥណ្ឌា បណ្តាលឲ្យស្លាប់ប្រជាជនយ៉ាងហោចណាស់ ៧២
នាក់ ។យោងតាមសារព័ត៌មាន ស៊ីអិនអិន ចេញផ្សាយកាលពីថ្ងៃសុក្រ ទី២៦ ខែធ្នូ ឆ្នាំ២០១៤ ដោយផ្អែកតាម ការលើកឡើងរបស់លោកវរសេនីយ៍ទោ ស៊ូនីត ញូតុន អ្នកនាំពាក្យយោធាឥណ្ឌាប្រចាំរដ្ឋ អាហ្សេមថា ប្រតិបត្តិការយោធារួម បានធ្វើឡើងនៅគ្រប់រដ្ឋដែលមានបញ្ហា ក្នុងនោះមានរដ្ឋ កូក្រាហា និងរដ្ឋ ស៊ូនីព័រ ដែលក្រុមឧទ្ទាមជ្រុលនិយម បូដូ បានអនុវត្តការសម្លាប់ជាស៊េរី ទៅលើសហគមន៍កុល សម្ព័ន្ធកាល ពីដើមសប្តាហ៍នេះ។
នៅក្នុងប្រតិបត្តិការវាយបកនោះ អាជ្ញាធរសហព័ន្ធ បានបញ្ជូនកងកម្លាំងបន្ថែម ៥.០០០នាក់ទៀត ទៅរដ្ឋ អាហ្សេម។
យ៉ាងហោចណាស់ក៏មានមនុស្ស៤០ នាក់ស្លាប់ ក្នុងនោះមានស្ដ្រី១០នាក់ និង ស្ដ្រី១៣នាក់ក្នុងសកម្មភាពបាញ់ប្រហារ មួយនៅរដ្ឋអាសាម ភាគឦសាននៃ ប្រទេសឥណ្ឌា ។ ប្រភពព័ត៌មានពីរដ្ឋាភិ បាលឥណ្ឌាបានឱ្យដឹងថា ក្រុមឧទ្ទាមជន ជាតិបូដូ កាលពីថ្ងៃទី២៣ ខែធ្នូ បានវាយ ប្រហារទៅលើភូមិ៥នៅរដ្ឋអាសាម បណ្ដាលឱ្យមានអ្នកស្លាប់ និងរងរបួស រាប់សិបនាក់ ។
មន្ដ្រីប៉ូលិសនៅក្នុងរដ្ឋអាសាមបាន ឱ្យដឹងថា ចំនួនអ្នកស្លាប់នឹងកើនឡើង ខ្ពស់ជាងនេះនៅពេលដែលមានអ្នករង របួសធ្ងន់ជាច្រើន ។ ការបាញ់ប្រហារ ខាងលើធ្វើឡើងដោយក្រុមឧទ្ទាមដែល មានឈ្មោះថា បដិវត្ដន៍ប្រជាធិបតេយ្យ ប្រជាជនតំបន់បូដូ (NDFB) ។
ក្រុមឧទ្ទាមបូដូ បានបញ្ជាក់ថា សកម្ម ភាពវាយប្រហារខាងលើជាការតបត ទៅលើកម្លាំងសន្ដិសុខរដ្ឋាភិបាលឥណ្ឌា ដែលបានវាយប្រហារបោសសម្អាតពួក គេ។ កាលពីចុងសបា្ដហ៍កន្លងមក ប៉ូលិស ឥណ្ឌាក៏បានបាញ់សម្លាប់ខ្មាន់កាំភ្លើងបូដូ ២នាក់ នៅតំបន់ជីរ៉ាង រដ្ឋអាសាម ។
តំបន់ភាគឦសានឥណ្ឌាជាទីតាំង លាក់ខ្លួនរបស់ក្រុមឧទ្ទាមជាច្រើនក្រុម ប្រឆាំងជាមួយរដ្ឋាភិបាលប្រទេសនេះ ។ តំបន់ភាគឦសាន ជាទីកន្លែងប្រជុំទៅ ដោយជនជាតិភាគតិចរស់នៅគ្រប់ជាតិ សាសន៍ ហើយតែងតែមិនពេញចិត្ដ គោលនយោបាយដឹកនាំរបស់ឥណ្ឌាមិន បានផ្ដល់ផលប្រយោជន៍ជាអាទិភាពដល់ ពួកគេ 9
