សៀមរាបៈ ទឹកដីមហាអង្គរដែលជាដួងព្រលឹងខ្មែរ ត្រូវបានភ្ញៀវអន្តរជាតិមកពីគ្រប់ទិសទី ក្នុងពិភពលោក មកទស្សន៍នាប្រាសាទអង្គរ និងប្រាងប្រាសាទនានា ក្នុងទឹកដីនៃខេត្តសៀមរាប ដ៏មហាសែនសុខកាយ សប្បាយចិត្តអស់កង្វល់ ដោយសារតែការយកចិត្តទុកដាក់ របស់ឯកឧត្តម ឃឹម ប៊ុន សុង អភិបាលនៃគណៈ អភិបាលខេត្ត
សៀមរាប និងឯកឧត្តម សត ណាឌី ស្នងការនៃស្នងការដ្ឋាននគរបាលខេត្តសៀមរាប បានរៀបចំសណ្តាប់ធ្នាប់ សន្តិសុខ និងសុវត្តិភាពជូនប្រជាពលរដ្ឋ ដែលអញ្ជើញមកទស្សនា និងមកកំសាន្តក្នុង រាត្រីឆ្លងឆ្នាំ ២០១៤ឈានចូលដល់ឆ្នាំ២០១៥។
ក្នុងទិដ្ឋភាពដ៏អធឹកអធ័ម របស់ភ្ញៀវបរទេសគ្រប់សញ្ញាតិ បានមកប្រមូលផ្តុំគ្នានៅផ្សារាត្រី ក្នុងទឹកដីអង្គររាប់ ម៉ឺននាក់ នៅក្នុងបរិវេណផ្សារាត្រី ក្រោយពីបានទស្សនាប្រាងប្រាសាទរួច ក្នុងនោះគេសង្កេតឃើញភ្ញៀវចិន មានវត្តមានច្រើនជាងគេ បន្ទាប់ភ្ញៀវកូរ៉េ ចិន ជប៉ុន ថៃ និងប៉ែកខាងអ៊ឺរ៉ុប ទិដ្ឋភាពដ៏គួអោយសប្បាយក្នុងរាត្រី ឆ្លងឆ្នាំបានធ្វើឲ្យភ្ញៀវអន្តរជាតិ បាន
ស្គាល់ពីវប្បធម៌ ប្រពៃណី និងវិធីជីវិតនិងការរស់នៅ ព្រមទាំងបានសាក ល្បងនូវផលិតផលខែ្មរទៀតផង ក្នុងនោះគេសង្កេតឃើញវត្តមាន ឯកឧត្តម ឃឹម ប៊ុនសុង អភិបាលខេត្ត សៀមរាបបានអញ្ជើញទៅទស្សនាភាពរីកចំរើន និងកំណើននៃភ្ញៀវដែលបានអញ្ជើញមកកំសាន្តនៅក្នុងក្រុង សៀមរាប ។
ផ្លូវជាច្រើនខ្សែនៅក្នុងក្រុងសៀមរាប ត្រូវបានកកស្ទះដោយមនុស្សរាប់ម៉ឺននាក់ ដែលបានមកកំសាន្តរាំរ៉េក សប្បាយក្នុងពិធីឆ្លងឆ្នាំ ២០១៤ និង២០១៥ ក្នុងរាត្រីស្រមោលពេជ្រ ប្រកបដោយភ្លើងពណ៌រាប់មិនអាស់ ទិដ្ឋភាពទាំងនេះ បានបញ្ជាក់ឲ្យឃើញនូវ ភាពសំបូរសប្បាយនិងមានសុវត្តិភាព។
បទសម្ភាសជាមួយ លោក វរៈសេនីយ៍ទោ ជឹម សុវណ្ណ នាយការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប ស្តីពីការរៀបចំផែនការ រៀបចំសណ្តាប់ធ្នាប់ ចរាចរណ៍ សន្តិសុខ ដើម្បីសុវ័ត្តភាព ជូនភ្ញៀវទេសចរណ៍ ជាតិនិងអន្តរជាតិ ។
