អគ្គលេខាធិការអង្គការសហប្រជាជាតិលោក បាន គីមូន កាលពីថ្ងៃព្រហស្បតិ៍ កន្លងទៅនេះ បានធ្វើការថ្កោលទោសក្នុងកម្រិតធ្ងន់ធ្ងរ ចំពោះការវាយប្រហារ បាញ់ផ្លោងគ្រាប់ទៅលើពិធីមង្គលការមួយកន្លែង នៅក្នុងប្រទេសអាហ្គានីស្ថាន ដែលបណ្តាលអោយមានជនស៊ីវិលប្រមាណ៣០នាក់បាត់បង់ជីវិត និង ច្រើនជាង ៤០នាក់ផ្សេងទៀតទទួលរងរបួស ។
ទន្ទឹមគ្នានេះ លោក បាន គីមូន បានអំពាវ នាវឱ្យមានការស៊ើបអង្កេតយ៉ាងតឹងរឹង បំផុត ដើម្បីនាំយកឧក្រិដ្ឋជនមកកាត់ទោសរកយុត្តិធម៌ជូនជនរងគ្រោះទាំងអស់ នោះ ។
គួររំលឹកផងដែរថា យ៉ាងហោចណាស់មានមនុស្សប្រមាណ១៦០នាក់បានស្លាប់ ក្នុងនោះភាគច្រើនជាជនស៊ីវិល ខណៈដែលជនរងគ្រោះជាង២៦០នាក់ផ្សេង ទៀតទទួលរង
របួសធ្ងន់ និង ស្រាល បន្ទាប់ពីការវាយប្រហារពីសំណាក់ក្រុមបះ បោរដឹកនាំដោយពួកឧទ្ទាមតាលីបង់មកលើប្រទេសអាហ្កានីស្ថាន កាលពីខែធ្នូ ឆ្នាំ២០១៤កន្លងទៅ ស្របពេលដែលកងកម្លាំងរដ្ឋាភិបាលកំពុងទទួលខុសត្រូវលើ ផ្នែកសន្តិសុខ ៕
