ភ្នំពេញ:យ៉ាងហោចណាស់មានមនុស្សម្នាក់ស្លាប់នឹងបីនាក់ទៀតបានរងរបួសធ្ងន់បន្ទាប់ពីមានគ្រោះថ្នាក់ចរាចរមួយដែលបង្កឡើងដោយម៉ូតូពីគ្រឿងបានបុកគ្នាយ៉ាងពេញទំហឹង នៅលើកំណាត់ផ្លូវជាតិលេខ៥។ហេតុការណ៍គ្រោះថ្នាក់ចរាចរនេះបានកើតឡើងកាលពីវេលាម៉ោង ១១នឹង ២០ នាទី
យប់ថ្ងៃទី ២ ខែមករា ឆ្នាំ២០១៥ តាមបណ្តោយផ្លូវជាតិលេខ៥ ស្ថិតនៅមុខស្ថានីយ៍ប្រេងឥន្ឋនះភីធីធី ភូមិផ្សារតូច សង្កាត់ទួលសង្កែ ខណ្ឌឬស្សីកែវ។
តាមប្រភពពីកន្លែងកើតហេតុ បានឲដឹងថាមុនពេលកើតហេតុ គេឃើញម៉ូតូស៊ុយស្ស៊ីគីស្តេបពណ៍ក្រហមលាយខ្មៅពាក់ស្លាកលេខភ្នំពេញ2AA-3090ជិះដោយយុវជន២នាក់បើកក្នុងទិសដៅពីជើងទៅត្បូង លុះពេលមកដល់ចំណុតកើតហេតុបានបើកជែងនឹងរថយន្តមួយគ្រឿងទៀតបានរ៉េចង្កូតជ្រុលទៅបុកនឹងម៉ូតូសង់ក៉ូរេ ពណ៍ខ្មៅពាក់ស្លាកលេខកណ្តាល1J-8820 ជិះដោយយុវជនពីរនាក់ដូចគ្នា បានបុកពេញទំហឹង បណ្តាលឲ្យ អ្នកបើកម៉ូតូស៊ុយស្ស៊ីគីស្តេបដួលបោកទៅនឹងថ្នល់បាក់ជើងឆ្វេងនិងបាក់កស្លាប់ភ្លាមៗនៅកន្លែង ចំណែកអ្នកជិះពីក្រោយ នឹងភាគីខាងសង់កូរ៉េ២នាក់ទៀតរងរបួសធ្ងន់ធ្ងរត្រូវរថយន្ត គ្លីនិកឯកជនដឹកយកទៅសង្រេ្គោះភ្លាមៗ។
ចំណែកជនរងគ្រោះដែលបាត់បង់ជីវិតត្រូវបានក្រុមគ្រួសារ យកទៅធ្វើបុណ្យតាមប្រពៃណី ឯម៉ូតូទាំងពីរគ្រឿងត្រូវបានសមត្ថកិច្ច ជំនាញធ្វើការវាស់វេងយកទៅរក្សាទុកនៅអធិការដ្ធានគរបាលខណ្ឌ ឬស្សីកែវ ដើម្បីរងចាំការដោះស្រាយគ្នាតាមផ្លូវច្បាប់។
