កំពង់ឆ្នាំង៖មនុស្ស៤នាក់រងរបួសធ្ងន់និងស្រាល ក្នុងករណីរថយន្តប្រភេទ២កឹបបុកម៉ូតូសណ្តោងរ៉ឺម៉កក្នុងទិសដៅច្រាស់គ្នាពេញទំហឹង កាលពីវេលាម៉ោង ៦និង៥៥នាទីយប់ថ្ងៃទី០១ ខែធ្នូ ឆ្នាំ២០១៥ នៅតាមផ្លូវក្រាលកៅស៊ូក្នុងខេត្តទល់មុខសាលានយោបាយ ស្ថិតនៅក្នុងភូមិឡទឹកត្រី សង្កាត់
កំពង់ឆ្នាំង ក្រុងកំពង់ឆ្នាំង ក្រោយពេលកើតហេតុរថយន្តបង្កបានគេចបាត់ ។
មន្ត្រីនគរបាលក្រុងកំពង់ឆ្នាំង បាននិយាយថាៈ ជនរងគ្រោះទាំង៤នាក់មាន១.ឯក ដារ៉ាម អាយុ១៨ឆ្នាំ មានទីលំនៅ ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង របួសបាក់ដៃឆ្វេង និងជើងស្តាំធ្ងន់ ឈ្មោះនេះជាអ្នកបើកម៉ូតូអូសរ៉ឺម៉ក ២.ឈ្មោះផន វីរៈ អាយុ១៨ឆ្នាំ នៅភូមិដំណាក់ពពូល សង្កាត់កំពង់ឆ្នាំង របួសធ្ងន់ ៣.ឈ្មោះ ហង្ស ចំរើន អាយុ ១៩ឆ្នាំ និង៤ឈ្មោះ ពុំ សារ៉ាត់ អាយុ១៨ឆ្នាំ ទាំង២នាក់នៅស្រុកកំពង់លែង រងរបួសស្រាល ។ ពួកគេទាំង៤នាក់ជិៈម៉ូតូអូសរ៉ឺម៉ក ម៉ាកឌ្រីម ១២៥ ពាក់ស្លាកលេខ ភ្នំពេញ1AV.2663។
ចំណែកភាគីរថយន្តបង្ករដែលគេចខ្លួនបាត់គេដឹងថាជារថយន្តប្រភេទ២កឹប ពណ៏ស ពាក់ស្លាកលេខ រដ្ឋ
7088 ។
ប្រភពដដែលបានបន្តថាៈ មុនពេលកើតហេតុ ជនរងគ្រោះទាំង៤នាក់បានជិៈម៉ូតូសណ្តោងម៉ក ក្នុងដំណើរពីត្បូងទៅជើង ស្រាប់មកដល់ចំណុចកើតហេតុមានរថយន្ត ខាងលើបើកមកពីជើងទៅត្បូង
ក្នុងទិសច្រាស់គ្នា បានបុកម៉ូតូជនរងគ្រោះយ៉ាងពេញទំហឹង បណ្តាលអោយខ្ទេចម៉ូតូមួយកំណាត់មុខនិង មនុស្សទាំង៤នាក់រួមទាំងអ្នកបើកបរម៉ូតូផងបានរងរបួសធ្ងន់និងស្រាលរណូករណែលលើថ្នល់ ចំណែក រថយន្តបង្ករក្រោយកើតហេតុបានបើកគេចទៅទិសខាងត្បូងបាត់ទៅ ។
ជនរងគ្រោះទាំង៤នាក់ត្រូវបានមន្ត្រីនគរបាលខេត្ត ហៅរថយន្តសង្គ្រោះ ដឹកទៅមន្ទីរពេទ្យខេត្ត
ចំណែកម៉ូតូ និងរ៉ឺម៉កត្រូវបានដឹកយកទៅរក្សាទុកនៅអធិការដ្ឋាន នគរបាលក្រុងកំពង់ឆ្នាំងដើម្បីរង់ចាំ
ការស្រាវជ្រាវរកម្ចាស់រថយន្តបង្ករអោយមកទទួលខុសត្រូវចំពោះមុខច្បាប់៕ សន្យា
