ព្រះសីហនុ៖ដោយសាតែភាពអំនួត អាងបក្សពួក ភាពព្រហើន បុរសចំណាស់ម្នាក់ស្ទើបាត់បង់ជិវិត ក្នុងហេតុការគ្រោះថ្នាក់ចរាចរណ៏មួយកាលពីវេលាម៉ោង១៥និង១៥និង១៥នាទី ត្រង់ចំនុចស្តុបពាណិជ្ជកម្មស្ថិតក្នុងភូមិ១សង្កាត់លេខ២ក្រុងព្រះសីហនុដោយតែយុវជនឈាមរាវម្នាក់បុកហើយពុំ
ព្រមឈប់អូសទាំងមនុស្សអូសទាំងម៉ូតូប្រហែល៤០ម៉ែត្រ។
យោងតាមប្រភពប៉ូលីសប្រចាំគោលដៅស្តុបពាណិជ្ជកម្ម(កន្លែងកើតហេតុ)បានអះអាងថា ករណីគ្រោះថ្នាក់ចរាចរណ៏នេះបង្ករឡើងដោយ រថយន្តម៉ាកតូយូតាប្រូស ពណ៏ស គ្មានស្លាកលេខ បើកដោយយុវជនស្ទាវឈ្មោះ ជីម មុន្នីរ័ត្ន ភេទ ប្រុស អាយុ២១ឆ្នាំ មុខរបរសិស្ស មាន
ទីលំនៅក្រុងព្រះសីហនុ បានបុកម៉ូតូម៉ាកហុងដា សេ១២៥ពណ៏ខ្មៅគ្មានស្លាកលេខបើកបរដោយឈ្មោះ ព្រំ ខន្តី ភេទ ប្រុស អាយុ៦១ឆ្នាំមានទីលំនៅភូមិ៣សង្កាត់លេខ២ ក្រុងព្រះសីហនុ មុខរបរបុគ្គលិកកំពង់ផែរ រងរបួសស្រាល។ប្រភពដ៏ដែលបានបន្តថា ខណះពេលក្រុមកាងាររបស់លោកកំពុង ត្រួតពិនិត្យមួក កញ្ចក់ នៅចំនុចកន្លែងកើតហេតុ មានម៉ូតូមួយគ្រឿង បានជិះឆ្លងផ្លូវពីស្តាំទៅឆ្វេង ប៉ុន្តែឆ្លងបានពាក់កណ្តាលថ្នល់ក៏ស្រាប់មានរថយន្តមួយគ្រឿងពណ៏សបើកបរយ៉ាងលឿន បុកម៉ូតូជនរងគ្រោះពេញទំហឹង បណ្តាលអោយបុរសម្នាក់ខ្ទាតចេញពីម៉ូតូឯម៉ូតូគៀបជាប់រថយន្តអូសទៅមុខប្រហែល២០ម៉ែត្រ ដោយពុំព្រមឈប់ឃើញដូចនោះកំលាំង
សមត្ថកិច្ចឈជើងក្បែរនោះបានចេញមកឃាត់រថយន្ត ក្នុងបំណងអោយម្ចាស់រថយន្តចុះមកដោះស្រាយតាមផ្លូវច្បាប់ជាមួយជនរងគ្រោះ តែរថយន្តហាក់ពុំស្តាប់សមត្ថកិច្ចឡើយដោយមានៈបើកទៅមុខរហូតជាង៣០ម៉ែត្រ ហើយថយក្រោយបន្តិចបើកគេចទាំងកំរោលបើទោះបីសមត្ថកិច្ចឈឃាត់ពីមុខក៏ដោយ បង្ករអោយមានភាពភ្ញាក់ផ្អើលដល់អ្នកតំណើរងាកមើលគ្រប់ៗគ្នា។មួយសន្ទុះក្រោយមកសមត្ថកិច្ចក៏ស្ទាក់ចាប់បាននៅចំនុចផ្សារលើ ចំងាយពីកន្លែងកើតហេតុប្រហែល២គីឡូ រួចបញ្ជូនមកកាន់ការិយាល័យចរាចរណ៏ផ្លូវគោកដើម្បីចាត់ការតាមផ្លូវច្បាប់។
