កាលពីថ្ងៃទី៣ខែមករាឆ្នាំ២០១៥ យន្តហោះធុនតូវមួយគ្រឿងបានធ្លាក់នៅរដ្ឋKentucky អាមេរិក បណ្តាលឲ្យអ្នកនៅលើយន្តហោះទាំងអស់បាត់បង់ជីវិត។ ប៉ុន្តែមានរឿងចំឡែកមួយកើតឡើងគឺមានក្មេងស្រីអាយុ ៧ឆ្នាំម្នាក់នៅរស់ ហើយដើរទៅផ្ទះអ្នកស្រុកគោះទ្វាសំជំនួយ។
ប៉ូលិសរដ្ឋ Kentucky បានប្រកាស់ឲ្យដឹងថា ពលរដ្ឋរបស់នៅតំបន់Suwanee បានទូរស័ព្ទទៅកាន់កាន់លេខបន្ទាន់របស់ប៉ូលិស ហើយប្រាប់ថា មានក្មេងស្រីអាយុ៧ឆ្នាំទៅផ្ទះអ្នកស្រីដោយប្រាប់ថាជាជនរង្គ្រោះនៅក្នុងគ្រោះថ្នាក់យន្តហោះក្បែរនេះ។
ស្នងការប៉ូលិសរដ្ឋKentucky បានបញ្ចាក់ថា ក្មេងស្រីអាយុ៧ឆ្នាំបានដើរចេញពីគំនរបំណែកយន្តហោះ ដើរស្វែងរកភូមិមានមនុស្សនៅ ប្រាប់ដំណឹងពីយន្តហោះធ្លាក់។ គេមិនដឹងថាមានអភូតហេតុអ្វីជួយឲ្យនាងមានជីវិតរស់នៅបាន ចំណែកអ្នកនៅលើកយន្តហោះ៤នាក់ទៀតបាត់បង់ជីវិតទាំងអស់។ ប៉ូលិសក៏បានបញ្ចូនកុមារីទៅកាន់មន្ទីពេទ្យក្រោយមក ដើម្បីត្រួតពិនិត្យសុខភាព។
ក្នុងពេលជាមួយគ្នានេះ ប៉ូលិសក៏បានបញ្ចូនក្រុមជួយសង្គ្រោះក្រុមពន្លឹតអគ្គិភ័យ ទៅកាន់កន្លែងយន្តហោះធ្លាក់។ គួបញ្ចាក់ផងដែរថា អ្នកដំណើរនៅលើយន្តហោះទាំងអស់ជាសមាជិកនៅក្នុងក្រុមគ្រួសារមួយ ស្វាមីជាអាកាស់យាននិក រួមទាំងភរិយា កូនស្រី២នាក់ ម្នាក់អយុ៩ ឆ្នាំម្នាក់៧ឆ្នាំដែលនៅរស់ និងក្មួយម្នាក់ទៀតអាយុ១៤ឆ្នាំ។
ប៉ូលិបញ្ចាក់ថា យន្តហោះបានហោះហើរពីរដ្ឋFlorida ទៅកាន់រដ្ឋIllinois ក៏ស្រាប់តែធ្លាក់នៅតំបន់ព្រៃជិតស្ទឹងមួយ ។យន្តហោះនោះមានប្រភេទ Piper PA-34-200T ធ្លាក់នៅចម្ងាយពីអាកាស់យានដ្ឋាន Kentucky Dam ១១គីឡូម៉ែត្រនៅភាគខាងកើត។
