កំពង់ឆ្នាំងៈ កាលពីវេលាប្រមាណម៉ោង៨និង១០នាទីយប់ ថ្ងៃទី០៣ ខែមករា ឆ្នាំ២០១៥ ស្ត្រីមានផ្ទៃពោះម្នាក់បានស្លាប់បាត់បង់ជីវិត ទាំងម្តាយនិងកូន ក្នុងមន្ទីរពេទ្យបង្អែកខេត្តកំពង់ឆ្នាំង ក្រោយពីសម្រាលកូនរួច ។ ស្ត្រីដែលបានស្លាប់បាត់បង់ជីវិតខាងលើ មានឈ្មោះ ឡោម វីន អាយុះ
៣៩ឆ្នាំ មានប្តីឈ្មោះ ញឹម សុខុម អាយុ៤៩ មានទីលំនៅភូមិដារ ឃុំដារ ស្រុកកំពង់លែង ខេត្តកំពង់ឆ្នាំង មានកូនចំនួន៥នាក់ ការឆ្លងទន្លេរលើកនេះ ជាលើកទី៦ហើយ ។
ក្រុមគ្រួសារស្ត្រី ដែលបាត់បង់ជីវិត បានបញ្ជាក់ថា ក្រុមគ្រូពេទ្យខេត្ត បានយកចិត្តទុកដាក់ដល់ពួកគាត់ដែរ តែដោយសារការបញ្ជូនមកសង្គ្រោះ មិនទាន់ពេលវេលា ។
លោក ប្រាក់ វ៉ុន ប្រធានមន្ទីរសុខាភិបាល ខេត្តកំពង់ឆ្នាំង បានឧបត្ថមដល់ក្រុមគ្រួសារ របស់គាត់ចំនួន២០ម៉ឺនរៀល អនុសាខាកាកបាតក្រហម ស្រុកកំពង់លែង អង្ករ៥០គីឡូក្រាម ថវិការចំនួន១០ម៉ឺនរៀល នឹងបានរៀបចំ នូវមធ្យោបាយសំរាប់ជាជំនួយដោះស្រាយ ក្នុងការដឹកជញ្ជូនសពគ្រួសាររបស់គាត់ ទៅកាន់លំនៅស្ថាន ដើម្បីធ្វើបុណ្យតាមប្រពៃណីផងដែរ ។
កន្លងមក ក៏ដូចបច្ចុប្បន្ន មន្ទីរពេទ្យបង្អែកខេត្តកំពង់ឆ្នាំង ធ្លាប់បានរងការរិះគន់ ពីសំណាក់ប្រជាពលរដ្ឋយ៉ាងខ្លាំង ជាពិសេសករណីឆ្លងទន្លេរ ដែលជាប្រជាពលរដ្ឋក្រីក្រ ចូលទៅសំរាក់ឆ្លងទន្លេរ ។
ដោយជីវភាពក្រីក្រលំបាក របស់ក្រុមគ្រួសារលោក ញឹម សុខុម ដែលត្រូវជាប្តី អ្នកយកពត៌មានយើង ក៏សូមអំពាវនាវ ដល់សប្បុរសជននានា ដើម្បីជួយឧបត្ថម ដល់គ្រួសាររបស់គាត់ តាមសទ្ធាដោយក្តីអនុគ្រោះ ៕
