ខេត្តកំពង់ស្ពឺ ៖ជនសង្ស័យម្នាក់ត្រូវសមត្ថកិច្ចចាប់ខ្លួនខណះដែលស្រវឹងស្រាលហើយប៉ុនប៉ងចាប់រំលោភក្មេងស្រីអាយុ៦ឆ្នាំ សំណាងល្អម្តាយក្មេងមកទាន់ ។ហេតុការណ៍នេះភ្ញាក់ផ្អើលកាលពីវេលាម៉ោង៣ និង៣០នាទីរសៀល ថ្ងៃទី៤ មករា ២០១៥ នៅភូមិទី៣ ឃុំ
ត្រែងត្រយឹង ស្រុកភ្នំស្រួច។ជនសង្ស័យឈ្មោះទួន ឌិតថា ភេទប្រុស អាយុ៥៤ឆ្នាំ មុខរបរធ្វើស្រែរស់ នៅក្នុងភូមិ ទី៣ ហៅភូមិដំណាក់ផ្ចឹក ឃុំ ត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ ចំណែកក្មេងស្រីរងគ្រោះឈ្មោះ លោត ធារា (ល ធ រ )អាយុ៦ឆ្នាំ ។
តាមសម្តីរបស់ឈ្មោះ នី វ៉ារី ភេទស្រី អាយុ៣៧ឆ្នាំ ជាម្តាយក្មេងស្រីរងគ្រោះបាននិយាយឲ្យ
ដឹងថា នៅមុនពេលកើតហេតុនៅផ្ទះរបស់គាត់បានបើកកម្មវិធីហូបចុក រហូតស្រវឹងជោកជាំ ជនសង្ស័យ បានហៅកូនស្រីរបស់គាត់ អាយុ៦ឆ្នាំទៅរកបាយហូបនៅក្រោយផ្ទះ ជាមួយខ្លួន ឃើញឱកាសល្អជននេះបានធ្វើសកម្មភាពចាប់ប៉ុនប៉ងរំលោភក្មេងស្រីរងគ្រោះតែ ម្តងប៉ុន្តែដោយម្តាយមកទាន់ក៏មានការភ្ញាក់ផ្អើរឆោឡោ។
ប្រភពពីបុរសវ័យចំណាស់ថារូបគាត់មិនបានចាប់រំលោភក្មេងស្រីទេ គឺគេចោទប្រកាន់។
បច្ចុប្បន្នជនសង្ស័យត្រូវបញ្ជូនទៅស្នងការខេត្តដើម្បីចាត់ការបន្ត៕
