ភ្នំពេញ៖ ស្ត្រីអាណាថាម្នាក់ត្រូវបានគេប្រទះឃើញដេកស្លាប់យ៉ាងអាណោចអាធ័ម នៅលើផ្លូវលេខ៥១ កែង២១៤ ក្នុងសង្កាត់បឹងរាំង ខណ្ឌដូនពេញ កាលពីវេលាម៉ោង២២និង៣០នាទីយប់ថ្ងៃទី១៧ មិនា ឆ្នាំ២០១៤។ យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេសង្គេតឃើញស្ត្រីខាងលើ មិនដឹងថា ដើរ
មកពីណាទេស្ថិតក្នុងស្ថានភាពស្រវឹងជោគជាំ ហើយបានមកដល់ចំណុចខាងលើស្រាប់តែដេកស្លាប់តែម្តង បង្កការភ្ញាក់ផ្អើលដល់បងប្អូនប្រជាពលរដ្ឋ និងអ្នកដំណើរនាំគ្នាមកចោមរោមមើល និងរាយការណ៍ដល់សមត្ថកិច្ចមូល ដ្ឋានចុះមកធ្វើការអន្តរាគមន៍ និងធ្វើកោសល្យវិច្ឆ័យចំពោះសពស្ត្រីរងគ្រោះ។
សមត្ថកិច្ចមិនអាចធ្វើការទំនាក់ទំនងស្វែករកសាច់ញាតិស្ត្រីខាងលើបាននោះទេ ព្រោះស្ត្រីខាងលើជាមនុស្សអាណា ថា។ ហើយយ៉ាងណាមិញបងប្អូនប្រជាពលរដ្ឋដែលរស់នៅជិតកន្លែងកើតហេតុ ក៏ដូចជាអ្នកដំណើរដែលឆ្លងកាត់ទីនោះ កំពុងនាំគ្នាអង្គៀសលុយដើម្បី យកសពទៅធ្វើបុណ្យតាមប្រពៃណី៕
