កងឆ្មាំជាតិអ៊ុយក្រែនក្នុងសេចក្តីប្រកាសមួយគូ សបញ្ជាក់ថា ទាហានអ៊ុយក្រែន១២នាក់បានត្រូវស្លាប់ ហើយ១៨នាក់ទៀតត្រូវរបួសកាលពីយប់ថ្ងៃទី៦ មករា ក្នុងគ្រោះថ្នាក់នៃការបុកគ្នារវាងរថយន្តបឺស១គ្រឿង និងរថយន្តយោធានៅភាគខាងកើតប្រទេសដែលមានឧទ្ទាមកម្ម ។
សេចក្តី ប្រកាសនោះគូសបញ្ជាក់ថា នាថ្ងៃទី៥ មករា ពេលមានការដូរវេនគ្នារបស់ពួកអ្នកស្ម័គ្រចិត្ត និងកងទាហានឆ្មាំជាតិអ៊ុយក្រែន បណ្តារថយន្តយោធាបានបុកជាមួយរថយន្តបឺសមួយគ្រឿង ។ ការបុកគ្នានេះបណ្តាលមកពីលក្ខខណ្ឌឧតុនិយមអាក្រក់ ។ ទាហាន១២នាក់បានត្រូវស្លាប់ ហើយ១៨នាក់ទៀតត្រូវរបួសបញ្ជូនទៅមន្ទីរពេទ្យទីក្រុង ARTEMIVSK តំបន់ដូណេតស្ក៍ ។
គណៈកម្មការស៊ើបអង្កេតចម្រុះមួយមានខាង យោធា ប៉ូលិសចរាចរណ៍ និងកងឆ្មាំជាតិអ៊ុយក្រែន ត្រូវបានបញ្ជូនទៅកាន់កន្លែងកើេតហេតុ ។
ក្រោយបាត់បង់ ឧបទ្វីបគ្រីមេបញ្ចូលក្នុងដែនដីរុស្ស៊ី កាលពីខែមីនា ២០១៤ អ៊ុយក្រែនបានប្រយុទ្ធគ្នាជិត៩ខែមកហើយជាមួយពួកឧទ្ទាមបំបែក ខ្លួនស្និទ្ធរុស្ស៊ី ដែលជម្លោះនេះបណ្តាលឱ្យមនុស្សស្លាប់ជាង៤.៧០០នាក់ហើយ ៕
