ក្រសួងការបរទេសអាមេរិកកាលពីថ្ងៃទី៦ខែមករាបានឲ្យដឹងថា ប្រទេសគុយបាបានសម្រេចដោះលេងអ្នកទោសនយោបាយមួយចំនួនក្នុងចំណោម ៥៣នាក់របស់អាមេរិកដែលត្រូវចាប់ឃុំ ខ្លួននៅក្នុងប្រទេសគុយបា។ការដោះលេងនោះធ្វើឡើងតាមកិច្ចព្រមព្រៀងបង្កើតទំនាក់ទំនងប្រទេសទាំងពីរកាលពីខែមុន។
អ្នកនាំពាក្យក្រសួងការបរទេសអាមេរិកលោកស្រីJen Psaki បានបញ្ចាក់ថា «គុយបា បានដោះលេងអ្នកទោសនយោបាយមួយចំនួនរបស់អាមេរិកគឺជារឿងដ៏ប្រសើរ ហើរយើងចងមើលឃើញរឿងនេះត្រូវបញ្ចប់នៅពេលដ៏ខ្លីខាងមុខ។ លោកស្រីក៏មិនបានបញ្ចាក់ថាមានអ្នកទោសប៉ុន្មានអ្នកដែលគុយបាបានដោះលេងនោះឡើយ។
ក្នុងពេលជាមួយគ្នានេះ សមាជិកព្រឹទ្ធសភាអាមេរិកលោកMarco Rubio ដែលជាបុគ្គលនាំមុកក្នុងការប្រឆាំងប្រធានាធិបតីអូបាម៉ា តផ្ជាប់ទំនាក់ទំនងជាមួយគុយបាវិញ បានអំពាវនាវដល់រដ្ឋាភិបាលទីក្រុងវ៉ាស៊ីនតោនលុបចោលកិច្ចពិភាគ្សាជាមួយគុយបានៅពេលដ៏ខ្លីខាងមុខ រហូតដល់ប្រទេសនេះដោះលេងអ្នកទោសនយោបាយអាមេរិកទាំងអស់។
គួរំលឹកផងដែរថា ក្រោយពេលមេដឹកនាំគុយបា លោករ៉ាអូកាត្រូ និងប្រធានាធិបតីអាមេរិកបានប្រកាសព្រមគ្នាថា បង្កើតទំនាក់ទំនងការបរទេសឡើងវិញរវាងប្រទេសទាំង២ក្រោយរយៈពេលជាង ៥០ឆ្នាំកាត់ផ្ដាច់ ធ្វើឲ្យមជ្ឈដ្ឋានជុំវិញពិភពលោកអបអរសាទរដល់សកម្មភាពទាំងនោះ ។
សារព័ត៌មានធំៗទាំងអស់នៅប្រទេសគុយបាបានផ្សព្វផ្សាយពីចំណាប់អារម្មណ៍ពីភាពសប្បាយរីករាយរបស់ពលរដ្ឋគុយបាទាំងមូលក្នុងព្រឹត្ដិការណ៍ប្រវត្ដិសាស្ដ្រនេះ។
