ក្រុមហ៊ុន Sony Pictures Entertainment បានបញ្ជាក់ឲ្យដឹងថា នៅក្នុងខ្សែភាពយន្ដ បែបកំប្លែង ដ៏ចម្រូងចម្រាស់ ពាក់ព័ន្ធនឹងប្រទេសកូរ៉េខាងជើង រឿង The Interview តាមរយៈ ការបញ្ចាំងកាលពីថ្ងៃទី២៥ ត្រូវ នឹងថ្ងៃ បុណ្យណូអ៊ែលកន្លងទៅនេះ រកចំណូលបានជាង ៣១ លានដុល្លារអាមេរិក ពីបណ្តាញអ៊ិនធើណែត ខ្សែកាប និងប្រភពផ្សេងទៀត គិតត្រឹមថ្ងៃទី០៤ ខែមករា ឆ្នាំ២០១៤ ។
ទីភ្នាក់ងារសារព័ត៌មាន ក្យូដូជប៉ុន ចេញផ្សាយ ថ្ងៃទី០៧ ខែមករា ឆ្នាំ២០១៤ នេះឲ្យដឹងថា ប្រអប់ចំណូល ថវិកា ការិយាល័យ សម្រាប់ខ្សែភាពយន្ត ពាក់ព័ន្ធនឹងការប៉ុនប៉ងធ្វើឃាត នៅលើមេដឹកនាំផ្ដាច់ការកូរ៉េខាងជើង លោក គីម ជុងអ៊ុន ក៏បានកើនឡើង ប្រហែល៥លានដុល្លារផងដែរ។ មានតែខ្សែភាពយន្ត មួយនេះទេ ដែលការចាក់ផ្សាយ មាន កំណត់ នៅតាមបណ្ដារោងកុន នៅតំបន់អាមេរិកខាងជើង ។
ខ្សែភាពយន្តនេះ ជាកម្មសិទ្ធិទាំងស្រុងរបស់ក្រុមហ៊ុន Sony Corp ដែលបានសម្រេចចិត្តលុបចោល ការដាក់បញ្ចាំង និងផ្សាយនាពេលកន្លងមក ប៉ុន្ដែក្រោយពេលមានការវាយប្រហារ តាមប្រព័ន្ធអ៊ីនធឺណែតដ៏ធំមួយ មកលើក្រុមហ៊ុន ហើយស្របពេលដែលរដ្ឋាភិបាលអាមេរិក បានស្តីបន្ទោសយ៉ាងចាស់ដៃ ទៅលើប្រទេសកូរ៉េខាងជើង ផងដែរនោះ ក្រុមហ៊ុន Sony បានសម្រេចចាប់ផ្ដើម ដាក់បញ្ចាំងតាមរោងកុនមួយចំនួននៅថ្ងៃបុណ្យណូអ៊ែល ដោយមិនខ្លាចការ ប្រឈមឡើយ ។
គួរបញ្ជាក់ផងដែរថា ចាប់តាំងពីថ្ងៃទី២៥ ខែធ្នូ មក នៅលើបណ្ដាញអ៊ិនធឺណែត ខ្សែភាពយន្ដ The Interview នេះ មានអ្នកចូលទស្សនារហូតដល់ទៅ ៤,៣លាននាក់ ៕
