កំពង់ធំៈ ថ្ងៃ៧មករា ឆ្នាំ១៩៧៩ គឺជាថ្ងៃជ័យជំនះជាប្រវត្តិសាស្ត្រ បានមកដោយឧត្តមគតិស្នេហាជាតិ ស្រឡាញ់ប្រជាជន និងបានពលិកម្មដ៏មហិមា របស់កម្មាភិបាល យុទ្ធជន នៃកងទ័ពរណសិរ្សសង្គ្រោះជាតិកម្ពុជា បច្ចុប្បន្នគឺរណសិរ្សសាមគ្គីអភិវឌ្ឍន៍មាតុភូមិកម្ពុជា 
ក្រោមការដឹកនាំរបស់បក្ខជនដ៏ឆ្នើមនៃបក្សប្រជា ជនបដិវត្តន៍ខ្មែរ ដែលបច្ចុប្បន្នគឺជាគណបក្សប្រជាជនកម្ពុជា។ថ្ងៃ៧មករាឆ្នាំនេះគឺថ្ងៃគំរបខួប៣៦ឆ្នាំ គឺ១៩៧៩ ដល់ឆ្នាំ២០១៥ ប្រជាពលរដ្ឋទូទាំងប្រទេស បានស្វាគមន៍ រីករាយអបអរសាទរ ទទួលនិងគាំទ្រឲ្យមានថ្ងៃ៧មករា ព្រោះត្រូវបានប្រជាពលរដ្ឋខ្មែរ ចាត់ទុកជាថ្ងៃកំណើត ទី២ដែលប្រជាពលរដ្ឋបានរួច
ផុតពីសេចក្តីស្លាប់ និងត្រូវបានរៀបចំឡើងទូទាំងប្រទេស ជាក់ស្តែងនៅទីស្នាក់ ការគណបក្សប្រជាជនស្រុកស្ទោង បានរៀបចំពិធីអបអរសាទរខួបអនុស្សាវរីយ៍៣៦ឆ្នាំនៃទិវាបុណ្យ៧មករា និងមានការចូលរួមពីសំណាក់ ឯកឧត្តម ប៊ុន អ៊ុយ សមាជិកគណកម្មធិការកណ្តាល គណបក្សប្រជាជនកម្ពុជា និងជារដ្ឋលេខាធិការទីស្តីការគណៈរដ្ឋមន្ត្រីនិងជាអនុប្រធានទីមួយ ចុះជួយស្រុកស្ទោង អមដំណើរដោយឯកឧត្តម ឈឹម កៃលាង និងលោក ព្រឹម រដ្ឋា ប្រធានគណបក្សប្រជាជនកម្ពុជាស្រុកស្ទោង និងសមាជិកសមាជិការចូលរួម១២០០នាក់ ។
បន្ទាប់ពីលោក ព្រឹម រដ្ឋា ប្រធានគណបក្សប្រជាជនកម្ពុជាស្រុកស្ទោង បានអាននូវសារលិខិតរបស់សម្តេច មហាធម្មពោធិសាល ជា ស៊ីម ប្រធានព្រឹទ្ធសភា ប្រធានគណបក្សប្រជាជនកម្ពុជា ដែលបានថ្លែងក្នុងពិធីមិទ្ធិញរំលឹកខួប៣៦ឆ្នាំនៃទិវាជ័យជំនះ៧មករា ១៩៧៩ និង២០១៥រួចមក ឯកឧត្តម ប៊ុន អ៊ុយ បានមានប្រសាស៍ ផ្តាំផ្ញើរដល់សមាជិកសមាជិការគណបក្សប្រជាជនកម្ពុជា ពីគុណបំណាច់ និងការដឹកនាំរបស់សម្តេចទាំង៣ បាន
ខិតខំចាប់តាំងលេខសូន្យ ចាប់ពីប្រទេសកម្ពុជាស្ថិតក្នុងភាពក្រីក្រ រចនាសម្ព័ន្ឋសេដ្ឋកិច្ច សង្គមត្រូវបាន ខ្ទេចខ្ទាំដោយសារសង្គ្រាម និងការបំផ្លិចបំផ្លាញក្នុងរបរប៉ុលពត ព្រមទាំងបានប្រឈមុខចំពោះសង្គ្រាមបង្ករឡើងដោយពួកមិត្ត ដែលប៉ុនប៉ងនាំយករបបប្រល័យពូជសាសន៍ វិលត្រឡប់មកវិញ និងការហំព័ទ្ធខាងសេដ្ឋកិច្ច យ៉ាងអយុវត្តិធម៌ តែ
ដោយគណបក្សប្រជាជនមានគោលនយោបាយច្បាស់លាស់ តាមមាគ៌ាដ៏ត្រឹមត្រូវ នាំកម្ពុជាឆ្លងផុតពី ស្ថានភាពលំបាកលំបិនទាំងឡាយ ចាប់តាំងពីបាតដៃទទេរហូតទទួលបានសន្តិភាព ឯកភាពជាតិ និងឈានដល់ដំណាក់កាលស្តារនិងអភិវឌ្ឍន៍លើគ្រប់វិស័យ។
យុវជនតំណាងនៃអង្គពិធី បានស្តីពីការចំណាប់អារម្មណ៍ នៃទង្វើយង់ឃ្នងសាហាវព្រៃផ្សៃ កាប់សំលាប់ជាតិ សាសន៍ឯង នៃរបបប៉ុលពត ក្នុងរយះពេល៣ឆ្នាំ ៨ខែ ២០ថ្ងៃ បានធ្វើឲ្យប្រជាជនកម្ពុជារស់នៅយ៉ាងវេទនា ប្រៀបបានទៅនឹងគុគអត់ជញ្ជាំង ព្រមទាំងបានធ្វើទារុណកម្មបង្អត់អាហារ សំលាប់ដោយគ្រាប់អង្ករ ដូច្នេះ ក្នុងនាមខ្ញុំជាយុវជនស្ថិតនៅក្នុងការចង់ចេះចង់ដឹង ក្រោយពីបានដឹងពីទង្វើនៃរបរប៉ុលពត និងសូមគាំទ្រ ថ្ងៃ៧មករា និងមិនចង់ឲ្យរបបនេះវិលមកវិញជាដាច់ខាត។
ដោយ ប៊ុន រដ្ឋា
