ខេត្តកំពង់ចាម: យុវជនម្នាក់បានស្លាប់ភ្លាមៗនឹងកន្លែងកើតហេតុ ដោយសារត្រូវរថយន្តបែន របស់ក្រុមហ៊ុនចិន ឈ្មោះស៊ាងហៃ បុកពេញទំហឹងក្នុងខណះពេលដែលជនរងគ្រោះជិះកង់ធ្វើរដំណើរបញ្ច្រាស់ទិសគ្នានិងរថយន្តបង្ក។ ហេតុការណ៍នេះកើតឡើងនៅវេលាម៉ោង១២,២០នាទីថ្ងៃត្រង់ទី៨ ខែមករា ឆ្នាំ២០១៥ នៅលើផ្លូវជាតិលេខ៧ ចំណុចខាងមុខផ្ទះ
ឈ្មោះឡា ក្នុងភូមិ-ឃុំត្រពាំងព្រះ ស្រុកព្រៃឈរ ខេត្តកំពង់ចាម។លោក កែវ ស៊ាងហ៊ាន់ អធិការនគរបាលស្រុកព្រៃឈរបានប្រាប់ឲដឹងថា ជនរងគ្រោះដែលបាត់បង់ជីវិតខាងលើមានឈ្មោះឡុង វលក្ខ៍ ភេទប្រុស អាយុ២១ឆ្នាំ មានទីលំនៅក្នុងភូមិ ឃ្លោយទី២ ឃុំដើមមាន ស្រុកព្រៃឈរ ។ជនរងគ្រោះជិះកង់ម្នាក់ឯងក្នុងទិសពីកើតទៅលិចបញ្ច្រាស់ទិសគ្នានិង
រថយន្តបង្ក ម៉ាកបែនធុនធំ ពណ៍ក្រហមពាក់ស្លាកលេខ AT14-3-0577 របស់ក្រុមហ៊ុន ចិនស៊ាងហៃ ដែលបើកបរដោយជនបង្កឈ្មោះ អ៊ុំ សេងអ៊ន ភេទប្រុស អាយុ៣៣ឆ្នាំ រស់នៅភូមិត្រពាំងត្មាត ឃុំស្រម៉ ស្រុកជើងព្រៃ ខេត្តកំពង់ចាម។លោកអធិការបានបញ្ជាក់ប្រាប់ឲបានដឹងថា ករណីនេះជនបង្កត្រូវបានឃាត់ខ្លួនដើម្បីកសាងសំណុំរឿងបញ្ជូនទៅសាលាដំបូងចាត់ការតាមច្បាប់រួមនិងវត្ថុតាផងដែរ៕
