ស្របពេលដែលប្រតិបត្តិការ ស្វែងរកយន្តហោះ និងអ្នកដំណើរដែលកំពុងបាត់ខ្លួន មិនទាន់បញ្ចប់នោះ ក្រុមហ៊ុនអាកាសចរណ៍ AirAsia របស់ឥណ្ឌូណេស៊ី ដែលម្ចាស់លើជើងហោះ ហើរ QZ8501 ដែលបានធ្លាក់ កាលពី ថ្ងៃទី២៨ ខែធ្នូ នោះ បានប្រកាសថា ខ្លួននឹងផ្តល់សំណង ១០០.០០០ ដុល្លារអាម៉េរិក ដល់អ្នកដំណើរ ដែលបានបាត់ បង់ជីវិត និង២៥.០០០ដុល្លារផ្សេងទៀត ជូនសម្រាប់គ្រួសារពួកគេទាំងអស់ផងដែរ ។
សារព័ត៌មាន ស៊ីអិនអិន លើកឡើង ពីសម្តីអ្នកនាំពាក្យក្រុមហ៊ុន AirAsia បានប្រកាស កាលពីថ្ងៃទី០៧ ខែមករា ថា ក្រុមហ៊ុនរបស់ខ្លួន នឹងអនុវត្តទៅតាមច្បាប់ របស់ក្រសួងដឹកជញ្ជូន ដែលតម្រូវឲ្យមានការសងជំងឺចិត្ត ១,៣ លានរូពី ( ជិត ១០០.០០០ ដុល្លារអាមេរិក) សម្រាប់គ្រោះថ្នាក់ ដល់អាយុជីវិត បណ្តាលមកពីវិស័យអាកាសចរណ៍នោះ ។
គួរបញ្ជាក់ថា យន្តហោះដឹកអ្នកដំណើរពីឥណ្ឌូណេស៊ីទៅសិង្ហបុរី QZ8501 បានធ្លាក់ដោយសារ បុកជាមួយនឹងព្យុះ ក្នុង ដែនសមុទ្រកោះជ្វា របស់ឥណ្ឌូណេស៊ី កាល ពីថ្ងៃអាទិត្យ ទី២៨ ខែធ្នូ ឆ្នាំ២០១៤ ដោយមានអ្នកជិះ នៅលើនោះ ទាំងអស់ចំនួន ១៦២នាក់ ក្នុងនោះ អ្នកដំណើរមាន ១៥៥ នាក់ ភាគច្រើនបំផុតជាជនជាតិឥណ្ឌូណេស៊ី ៕
