ខេត្តបន្ទាយមានជ័យ៖
សពបុរសម្នាក់មិនស្គាល់អត្តសញ្ញាណត្រូវគេប្រទះឃើញស្លាប់អណ្តែតទឹកនៅក្នុងស្រះ មួយកន្លែងក្នុងស្រុកមង្គលបូរី បង្កឱ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចចុះទៅ ត្រួតពិនិត្យធ្វើកោសល្យវិច្ច័យឃើញថាសពបុរសរូបនេះស្លាប់ដោយអំពើឃាតកម្មហេតុការណ៍កើតឡើងកាលពីវេលាម៉ោង៨ព្រឹកថ្ងៃទី០៩ ខែមករា ឆ្នាំ២០១៥ នៅចំណុចស្រះឈូក កណ្តាលវាលស្រែចម្ងាយពីភូមិប្រហែល១ពាន់ម៉ែត្រស្ថិតនៅភូមិនាងកេត ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ។
លោកវរសេនីយ៍ទោ ស៊ី ឌី អធិការនគរបាលស្រុកមង្គលបូរីប្រាប់ឱ្យដឹងថា៖សាកសព បុរសរងគ្រោះត្រូវបានសមត្ថកិច្ចអូសយកមកត្រួតពិនិត្យឃើញមានអត្តសញ្ញាណប័ណ្ណសញ្ជាតិខ្មែរមានឈ្មោះ លីន ឡងឌី អាយុ២៥ឆ្នាំ រស់នៅភូមិព្រែកស្នាយ ឃុំព្រែកគយ ស្រុកស្អាង ខេត្តកណ្តាលនិងមានប័ណ្ណឆ្លងដែនចូលប្រទេសថៃមួយសន្លឹកទៀតផងដែរ។សាកសពមានស្នាមរបួសត្រូវគេវាយដោយវត្ថុរឹងចំថ្ងាសនិងរយះបែកមាត់ថែមទាំងបាក់កទៀតផងនោះ។សាកសពមានសភាពហើមស្អុយសមត្ថកិច្ចធ្វើការសន្និដ្ឋានត្រូវគេវាយសម្លាប់យកទម្លាក់ចោលក្នុងទឹកស្រះមានរយៈពេល៣ថ្ងៃមកហើយ។
លោកអធិការនគរបាលស្រុកមង្គលបូរីបានប្រាប់ឱ្យដឹងទៀតថា៖សពជនរងគ្រោះ បន្ទាប់មកត្រូវបានសមត្ថកិច្ចដឹកយកមករក្សាទុកនៅក្នុងវត្តក្នុងស្រុកមង្គលបូរីហើយសមត្ថកិច្ចបានទំនាក់ ទំនងក្រុមគ្រួសារនៅខេត្តកណ្តាលឱ្យមកទទួលយកសពដើម្បីយកទៅចាត់ចែង ធ្វើបុណ្យតាមប្រពៃណី។ករណីអំពើឃាតកម្មនេះសមត្ថកិច្ចកំពុងរង់ចាំការសាកសួរពីក្រុមគ្រួសារដើម្បីធ្វើការស្រាវជ្រាវស៊ើបអង្កេតស្វែងរកចាប់ឃាត់ខ្លួនជនល្មើសយមកផ្តន្ទាទោសតាមផ្លុវច្បាប់៕
