ព្រះសីហន៖ល្បែងភ្លាល់បាល់គឺជាល្បែងមួយប្រភេទក្នុងចំណោមល្បែងភ្នាល់ជាច្រើននៅក្នុងក្រុងព្រះសីហនុ ដែលជាក្រុងទេសចរណ៏ធម្មជាតិតំបន់ឆ្នេរនាទិសនិរតីនោះ កំពុងកើតមានយ៉ាងពេញបន្ទុកទាំងក្នុងផ្សារនិងនៅក្នុងភូមិ ប៉ុន្តែផ្ទុយទៅវិញគេពុំដែលឃើញសមត្ថកិច្ចពាក់ព័ន្ឋធ្វើការបង្ក្រាបដូចខេត្តផ្សេងៗម្តងណាឡើយ។
ជុំវិញបញ្ហាល្បែងស៊ីសងមួយប្រភេទខាងលើនេះជាប្រជាពលរដ្ឋម្នាក់ក្នុងចំណោមប្រជាពលរដ្ឋជាច្រើនបានសំដែងទស្សនៈថា ពួគគាត់មានអារម្មណ៏មួយឆ្ងល់យ៉ាងខ្លាំងថា ល្បែងស៊ីសងជាដើមហេតុន័យអំពើរចោរកម្ម លួច ឆក់ ប្លន់ នៅក្នុងសង្គម ប៉ុន្តែហេតុអ្វីសំរាប់ខេត្ត ក្រុង ទេសចរណ៏ នាទិសនិរតីមួយនេះបែមានល្បែងស៊ីសងគ្រប់ប្រភេទបង្អួតភ្ញៀវទេសចរណ៏ទៅវិញ តើអាជ្ញាធរបានយល់ទេអំពីគោលនយោបាយភូមិឃុំ មានសុវត្តិភាព រឺ ដើរប្រកាសអោយតែបាន បង្គ្រប់កិច្ចថ្នាក់លើដាក់អោយ ឬក៏អស់លោកសមត្ថកិច្ចពាក់ព័ន្ឋបានទទួលលាភសក្ការៈអំពីល្បែងស៊ីសងទាំងនោះ ទើបដឹងធ្វើជាមិនដឹងដូចនេះទៅ។ប្រភពដ៏ដែលបានបន្តថា នាពេលបច្ចុប្បន្ននេះល្បែងស៊ីសងដែលលេងពេញបន្ទុកមិនខ្លាចញញើត នឹងសមត្ថកិច្ចមាន ល្បែងបៀ ខ្លាឃ្លោក ជល់មាន់ កន្ទុយលេខហើយល្បែងដែលមានប្រជាប្រីយ៍ជាងគេគឺល្បែងភ្នាល់បាល់ដោយសារល្បែងមួយប្រភេទនេះលេងបានរាល់ថ្ងៃក្នុងប្រជាពលរដ្ឋ ឬអាជីវករម្នាក់ចំណាយលើល្បែងមួយប្រភេទនេះមិនក្រោមពី១០០០០រៀលទេក្នុងមួយថ្ងៃ រហូតមានអ្នកខ្លះចំណាយចាក់ល្បែងនេះក្នុងមួយថ្ងៃរហូត១លានរៀលក៏មាន ដើម្បីលេងភ្នាល់
ជាមួយមេធំម្នាក់ដ៏មានឥទ្ឋិពលនៅក្នុងក្រុងព្រះសីហនុ ដែលសព្វថ្ងៃនេះកំពុងជ្រកក្រោមស្លាកផ្ទះសំណាក់កោះមាសស្ថិតនៅក្នុងក្រុម១៦ភូមិ៤សង្កាត់៤ក្រុងព្រះសីហនុ។ ក្នុងមួយថ្ងៃៗទីតាំងទទួលចាក់បាល់ដ៏ធំមួយនេះប្រមូលពីអតិជនគ្រប់ទិសទីទូទាំងក្រុងព្រះសីហនុនិង ស្រុក២ផ្សេងទៀត ដោយបានទទួលចំណូលមិនក្រោម២០លានរៀលទេក្នុងមួយថ្ងៃ។
ដោយឡែកយោងតាមការអោយដឹងពីកូនសមត្ថកិច្ចដែលពុំបានទទួលលាភសក្ការៈនឹងបាននិយាយទាំងក្តៅក្រហាយថា ហេតុដែលពុំមានការបង្ក្រាបលើល្បែងបាល់នេះ ព្រោះតែមេធំនៃល្បែងនេះ បានបង់ខែជូនថ្នាក់លើគ្រប់លំដាប់ថ្នាក់ តាំងពីថ្នាក់ សង្កាត់រហូតដល់ អធិការ និង ស្នងការខេត្ត ដូចនេះទៅខ្លាចអីទៀតនាំគ្នាលេងម៉ាសេរីទៅ កុំទៅខ្វល់អំពីគោលនយោបាយភូមិឃុំមានសុវត្តិភាព៕
